Бухорода бирлаштирилган икки кўчага Ислом Каримов номи берилди

© Фотохост-агентство / Медиабанкка ўтишЎзбекистон президенти Ислом Каримов
Ўзбекистон президенти Ислом Каримов - Sputnik Ўзбекистон
Oбуна бўлиш
Бухоро вилояти ҳокими Ўктам Барноевнинг сўзларига кўра, Ислом Каримов номи билан аталадиган кўча қиёфаси буткул янгиланиб, унинг атрофида замонавий турар-жойлар, Универсал спорт мажмуаси ва бошқа кўркам бинолар барпо этилади

TOШКЕНТ, 11 май — Sputnik. 2017 йил 10 май куни халқ депутатлари Бухоро вилоят Кенгашининг навбатдаги сессияси бўлиб ўтди, деб хабар қилди Бухоро вилояти ҳокимлиги матбуот-хизмати.

Президент Республики Узбекистан Ислам Каримов - Sputnik Ўзбекистон
Ислом Каримовнинг энг яхши портрети учун танлов эълон қилинди
"Вилоят ҳокими Ўктам Барноев томонидан олиб борилган йиғилишда Ўзбекистон Республикасининг Биринчи президенти, Ўзбекистон Қаҳрамони Ислом Абдуғаниевич Каримовнинг хотирасини абадийлаштириш мақсадида Бухоро шаҳридаги марказий кўчаларни бирлаштириб "Ислом Каримов" номини бериш тўғрисидаги масала муҳокама қилинди", — дейилган хабарда.

Қайд этилишича, депутатлар Бухоро шаҳридаги Абдухолиқ Ғиждувоний кўчаси ҳамда Ўзбекистон Мустақиллиги кўчасининг Пиридасгир кўчаси билан кесишмасигача бўлган ҳудуд номини Ислом Каримов кўчаси номига ўзгартириш тўғрисидаги таклифни бир овоздан маъқулладилар.

Кенгаш раиси Ўктам Барноевнинг сўзларига кўра, Ислом Каримов номи билан аталадиган кўча қиёфаси буткул янгиланиб, унинг атрофида замонавий турар-жойлар, Универсал спорт мажмуаси ва бошқа кўркам бинолар барпо этилади.

Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.

Янгиликлар лентаси
0