Миллий авиакомпанияни коррупцияда айблаган фуқаро ўз сўзларини қайтариб олди

Oбуна бўлиш
Илгарироқ фуқаро Илҳом Сайманов Ўзбекистон миллий авиакомпанияси фаолиятини кескин танқид қилганлиги ҳақида хабар берган эдик. Аммо бу айбловлар асоссиз бўлиб чиқди. Сайманов ўзи билдирган танқидий фикрларни қайтариб олгани расман эълон қилинди

ТОШКЕНТ, 28 июн — Sputnik. Куни кеча "Ўзбекистон ҳаво йўллари" бош директори Валерий Тян авиакомпания раҳбарияти ва бошқа масъул ходимлари, маҳаллий ОАВ ва интернет нашрлар вакиллари иштирокида кенгайтирилган йиғилиш ўтказди, деб хабар қилди Sputnik Ўзбекистон мухбирига миллий авиакомпания матбуот-хизмати.

Пассажир держит посадочные талоны на самолет компании Air Berlin - Sputnik Ўзбекистон
Тошкент-Нукус йўналишида учган йўловчи авиакассалардан норози бўлди
Эслатиб ўтамиз, Илҳом Сайманов исмли фуқаро ўзининг Фейсбук ижтимоий тармоғидаги саҳифасида Тошкент-Нукус йўналишида учган самолётга авиачипта сотувчиларни танқид қилиб, пост эълон қилган. Сайманов томонидан ёзилган пост маҳаллий ва чет эл ОАВларида тарқалиб кетган.

Компания матбуот-хизматининг маълум қилишича, Валерий Тян бошчилигида ўтказилган йиғилишда "Ўзбекистон ҳаво йўллари" миллий авиакомпания фаолияти юзасидан ёзилган шикоятлар авиакомпания бош директори ва компания раҳбарияти томонидан шахсан кўриб чиқилиши таъкидлаб ўтилган.

Юқорида айтилган ҳолатни батафсил текшириш мақсадида авиакомпания ходимлари ва Илҳом Сайманов ўртасида учрашув ўтказилган.

Йиғилишда Илҳом Сайманов ўз ёзганларини қайтариб олгани маълум қилинган ва Саймановнинг миллий авиакомпания директори Валерий Тян номига ёзилган мурожаати журналистларга ўқиб эшиттирилган.

Ушбу мурожаатда қуйидагилар баён этилган:

Касса в здании пассажирского вокзала - Sputnik Ўзбекистон
"Қўпорувчи" кассирларнинг куни битгани ростми?
"Мен Сайманов Илҳом Сагдуллаевич 26 июнь куни Тошкент-Нукус йўналиши бўйича учдим. Мен шу куни чипта топа олмаганимдан кейин Тошкент шаҳридаги Қорақалпоғистон Республикаси доимий ваколатхонасига мурожаат этдим, яъни, Қулназар Каймуратов Эрназаровичдан чипта брон қилиб беришини сўрадим. Шу брон орқали чипта олдим. Авиакасса ходими чиптамни берди, мендан устама пул талаб қилишмади, чиптани ўз нархига олдим. Кейин регистрациядан ўтиб, самолётга чиқдим. Қарасак, ўриндиқларнинг ярми бўш экан, бундан жаҳлим чиқди: нега чипта йўқ дейишадию, салонда одам йўқ? Учиш вақтида одамлар бу сунъий қилиниши, шу орқали пул ишлашлари ҳақида айтишди, лекин кимга қанча, кимга нима берилгани ҳақида ҳеч қанақа гап бўлмади. Шу билан бу гап тинчиди, учиб келдик. Шу куни Фейсбукдаги саҳифамда бўлиб ўтган воқеаларни ёздим. Мен бу ерда ўз шахсий фикримни ёзгандим, лекин бундай шов-шув бўлиб кетади, деб ўйламагандим. Билишимча, буни Kruz.uz сайти саҳифамдан мендан сўрамасдан олган, кейин хабар бошқа сайтларга тарқалган. Ҳамма сайт ўзи истаганча ёритди. Лекин менда "Ўзбекистон ҳаво йўллари" ходимлари пора олаётгани ҳақида далил йўқ, уларга эътирозим ҳам йўқ", — дейилган Саймановнинг кўрсатмасида.

Йиғилишга Саймановга авиачиптани сотган кассир ходим ва Тошкентдаги Корақалпоғистон ваколатхонаси ходимлари таклиф этилган. Улар айрим ОАВлар томонидан миллий авиакомпаниянинг коррупцияда айбланиши асоссиз эканлиги таъкидланган.

Миллий авиакомпания тижорат директори Дилшод Йўлдошев сўзларига кўра, ўтказилган хизмат текшируви давомида ушбу рейсда парвоз қилган барча 23 нафар йўловчи сўроқ қилинди (телефон орқали). Улар белгиланган тартибда авиачипталарни харид қилганлиги ва миллий авиаташувчисига ҳеч қандай эътирозлар мавжуд эмаслигини баён этганлар.

"Айрим ОАВнинг миллий авиакомпанияга нисбатан билдирилган айблар тасдиқланмади ва асоссиз эканлиги маълум бўлди" — деб таъкидлади Дилшод Йўлдошев.

Йиғилиш якунида миллий авиакомпания директори Валерий Тян йиғилиш қатнашчиларига ушбу рейс тафсилотлари ҳақида батафсил маълумот берган.

Жумладан, "Ҳар бир рейсда шошилинч вазиятлар учун қўшимча брон жойлар олиб қолинади. Бронлар парвозга 2 соат қолгунга қадар банд қилинади. 26 июн Тошкент-Нукус рейс бўйича 16 та брон жой бўлган. Шу билан бирга, Ил-114 самолётида парвоз яхши амалга оширилиши ва қўниш ижобий бўлиши учун вазн бўйича кўрсаткичлар мавжуд, бунда ҳаво ҳароратига ҳам рол ўйнайди. Шу кун ва вақтда Тошкент-Нукус рейсида юклашга рухсат этилган вазн — 4 тоннагача оғирлик кўтариш чегараси белгиланган эди. Бу 40 нафар ўриндиққа йўловчи олиниши керак дегани. Мазкур рейсга 6 нафар йўловчи келмади, қолган брон қилинган жойларни сотиш улгурилмади. Шу тариқа, ушбу самолёт бортида 24 нафар йўловчи бўлган" — деб таъкидлади миллий авиакомпания директори Валерий Тян.

Валерий Тян ўз сўзи якунида, ОАВ билан мулоқот қилишга доим очиқ эканлиги ва миллий авиакомпания фаолияти ҳақидаги барча маълумот авиакомпания расмий сайтида жойлаштирилиши маълум қилди.

Шунингдек, ишонч телефони (+998 71) 120 47 70) орқали боғланиш мумкинлигини алоҳида таъкидлаб ўтди.

Янгиликлар лентаси
0