"Ўзагроэкспорт" бош директори истеъфога чиқарилди

© Sputnik / Илья ПиталевПапка с документами
Папка с документами - Sputnik Ўзбекистон
Oбуна бўлиш
Холмуҳамедов шунингдек, "Ўзбекозиқовқатхолдинг" холдинг компанияси раиси ўринбосари лавозимидан ҳам бўшатилди

TOШКЕНТ, 3 июл — Sputnik. Ўзбекистон ҳукумати "Ўзагроэкспорт" акциядорлик компанияси бош директори Жамшид Холмуҳамедовни истеъфога чиқарди, деб хабар берди Sputnik Ўзбекистон мухбири.

Холмуҳамедов шунингдек, "Ўзбекозиқовқатхолдинг" холдинг компанияси раиси ўринбосари лавозимидан ҳам бўшатилди. Илгарироқ "Ўзбекозиқовқатхолдинг" раиси Одилхон Рустамов ҳам истеъфога чиқарилганди.

Новым председателем холдинговой компании Узбекозиковкатхолдинг стал Тохиржон Жалилов - Sputnik Ўзбекистон
"Ўзбекозиқовқатхолдинг"га янги раҳбар тайинланди

Эслатиб ўтамиз, мазкур қарорлар ўтган ҳафтада 2017 йил биринчи ярим йиллигида экспорт дастурининг ижросига бағишланган видеоселектор йиғилишидан сўнг қабул қилинди. Видеоселекторда давлат раҳбари мева-сабзавот маҳсулотлари экспорти ҳажмидан мутлақо қониқарсиз эканлигини билдирган ва "Ўзбекозиқовқатхолдинг" холдинг компанияси бошқаруви раиси О.Рустамов, "Ўзагроэкспорт" акциядорлик жамияти бош директори Ж.Холмуҳамедов эгаллаб турган лавозимига нолойиқлигини кўрсатиб ўтганди.

Президент фармонига асосан,"Ўзбекозиқовқатхолдинг" компаниясининг янги раиси этиб "Ўзавтосаноат" АЖнинг раиси ўринбосари Тоҳиржон Жалилов тайинланди.

"Ўзагроэкспорт" компанияси ўтган йилнинг апрелида ташкил этилган бўлиб, Ўзбекистонда етиштирилган янги ва қайта ишланган мева-сабзавот маҳсулотлари экспорти бўйича монополияга айлантирилганди.

Июнь охирида давлат раҳбари мазкур монополияни бекор қилди ва тадбиркорлик субъектларига 2017 йилнинг 1 июлидан мева-сабзавот, узум ва резавор мевалар экспортини амалга ошириш ҳуқуқини берди.

Янгиликлар лентаси
0