Ўзбекистонга Жаҳон банкининг минтақавий директори ташриф буюрди

© Sputnik / СтрингерШтаб-квартира Всемирного банка в Вашингтоне
Штаб-квартира Всемирного банка в Вашингтоне - Sputnik Ўзбекистон
Oбуна бўлиш
Ташқи ишлар вазирлигида бўлиб ўтган суҳбат чоғида Ўзбекистон ва Жаҳон банки гуруҳи ўртасидаги шерикчилик истиқболлари муҳокама қилинди

TOШКЕНТ, 13 июл — Sputnik. Ўзбекистон ташқи ишлар вазири Абдулазиз Камилов Жаҳон банкининг Марказий Осиё бўйича минтақавий директори Лилия Бурунчукни қабул қилди. Бу ҳақда Ўзбекистон ТИВ матбуот хизмати хабар бермоқда.

Штаб-квартира Всемирного банка в Вашингтоне - Sputnik Ўзбекистон
Жаҳон банки Ўзбекистонга 295 млн доллар кредит ажратади

Хабарда айтилишича, Лилия Бурунчук икки томонлама музокаралар ўтказиш учун нуфузли делегация раҳбари сифатида Тошкент шаҳрига келди.

ТИВда бўлиб ўтган суҳбат чоғида Ўзбекистон ва Жаҳон банки гуруҳи ўртасидаги шерикчилик истиқболлари муҳокама қилинди.

Мулоқот давомида 2017-2021-йилларда Ўзбекистонни ривожлантиришнинг беш устувор йўналиши бўйича Ҳаракатлар стратегиясини амалга ошириш доирасидаги ҳамкорлик масалаларига алоҳида эътибор қаратилди.

Учрашувда томонларни қизиқтирган бошқа масалалар юзасидан ҳам фикр алмашилди.

Бу Лилия Бурунчукнинг Ўзбекистонга шу йилнинг ўзидаги тўртинчи ташрифидир. Аввалроқ Жаҳон банки делегацияси ижтимоий-иқтисодий вазият билан танишиш мақсадида Оролбўйига ташриф буюрган эди.

Янгиликлар лентаси
0