ТОШКЕНТ, 14 июл — Sputnik. ИИВ ва Автомобиль йўллари давлат қўмитаси ташаббуси билан йўл белгиларини ишлаб чиқариш бўйича "Ўзавтойўлбелги" давлат унитар корхонаси ташкил этилди. Бу вазифалар жорий йил 12 июндаги президент қарорида белгиланган.
Автомобиль йўллар давлат қўмитаси ИИВ билан ҳамкорликда йўлларда ўрнатилган йўл белгилари инвентаризациядан ўтказилади.
Йўл белгилари босқичма-босқич замонавий, юқори сифатли (нур қайтарувчи қопламали) йўл белгиларига алмаштириш бўйича дастур ишлаб чиқилади. Бу ўзгаришларни амалга ошириш учун икки ой муддат белгилаб берилди.
Шу билан бирга, узоқ муддат хизмат қиладиган йўл белгиларини чизадиган махсус техник воситалар ва қурилмаларни харид қилиш бўйича асосланган таклифлар Вазирлар Маҳкамасига киритилади.
Унинг асосий вазифалари — йўл белгилар ва бошқа йўл ҳаракатини тартибга солувчи бошқа техник воситаларни ишлаб чиқариш билан шуғулланади.
Автомобиль йўллар давлат қўмитаси "Ўзавтойўлбелги" ДУКнинг таъсисчидир.
Автомобиль йўллар давлат қўмитаси томонидан "Ўзавтойўлбелги" ДУК фаолиятини тартибга солиш бўйича Вазирлар Маҳкамасининг қарор лойиҳаси икки ой муддат ичида ишлаб чиқилади.
