Ўзбекистон ва Ҳиндистон ШҲТ доирасидаги ҳамкорликни муҳокама қилди

© AP PhotoФлаги стран-участниц ШОС
Флаги стран-участниц ШОС - Sputnik Ўзбекистон
Oбуна бўлиш
ШҲТ ишлари бўйича Ҳиндистон Миллий координатори М.Ҳазарика Бҳагат Ўзбекистон томонига Ҳиндистоннинг ташкилотга тўлақонли аъзолиги тўғрисидаги қарор қабул қилинишида мамлакатини қўллаб-қувватлагани учун миннатдорлик изҳор этди

TOШКЕНТ, 18 июл — Sputnik. Тошкент шаҳрига амалий ташриф билан келган ШҲТ ишлари бўйича Ҳиндистон Миллий координатори Мадҳумита Ҳазарика Бҳагат билан учрашув бўлиб ўтди, деб хабар берди Ўзбекистон ТИВ матбуот хизмати.

Заседание совета глав государств - членов Шанхайской организации сотрудничества (ШОС) в расширенном составе - Sputnik Ўзбекистон
Ҳиндистон ва Покистон ШҲТга қабул қилинди

Учрашувда ШҲТ жорий фаолиятининг кун тартиби, томонларнинг Тошкент шаҳрида турли даражаларда ўтказиладиган бўлажак тадбирларда иштирок этиши масалалари муҳокама қилинди.

М.Ҳазарика Бҳагат ўзининг ШҲТ ишлари бўйича Ҳиндистон Миллий координатори сифатидаги фаолияти бошлангани ҳақида сўзлаб берди ҳамда Ўзбекистон томонига Ҳиндистоннинг ташкилотга тўлақонли аъзолиги тўғрисидаги қарор қабул қилинишида ўз мамлакатини қўллаб-қувватлагани учун миннатдорлик изҳор этди.

Мазкур сафар доирасида М.Ҳазарика Бҳагатнинг Тошкент шаҳрида жойлашган Шанхай ҳамкорлик ташкилоти Минтақавий аксилтеррор тузилмаси Ижроия қўмитасига ташриф буюриши ва унинг фаолияти билан танишиши ҳам режалаштирилган.

Янгиликлар лентаси
0