"Ўзбекистон 24" телеканалида "Сен зўрми, мен зўр" қабилида хўрозланишлар қораланди

© SputnikДевушка смотрит он-лайн трансляцию на телеканале "Узбекистан 24"
Девушка смотрит он-лайн трансляцию на телеканале Узбекистан 24 - Sputnik Ўзбекистон
Oбуна бўлиш
"Ўзбекистон 24" телеканали орқали "Таҳлилнома" кўрсатуви илк сони эфирга намойиш қилинди

ТОШКЕНТ, 1 август — Sputnik. 2017 йил 30 июл куни "Ўзбекистон 24" телеканали орқали эфирга намойиш қилинган "Таҳлилнома" кўрсатувида йўл қўйилган камчиликлар ва уларни бартараф қилиш бўйича олиб борилаётган ишлар ёритилди.

Ўзбекистон президенти Шавкат Мирзиёев - Sputnik Ўзбекистон
Мирзиёев халқ фаровонлиги йўлида садоқат билан хизмат қилишини айтди

Кўрсатувида валюта сиёсати боис Ўзбекистон боши маломатлардан чиқмаганлиги таъкидланди:

"Яқин ўтмишда жаҳоннинг иқтисодий пешволари Ўзбекистоннинг пешонасига қанча тамға урган бўлса, Ўзбекистоннинг шаънига неча бор маломатлар ёғдирган бўлса, Ўзбекистон корчалонлари иқтисодий уқувсизликда неча бор айбланиб бошидан не бир шўр ишлар кечган бўлса шу — валюта сиёсатини, деб бўлди. Буни бугун очиқ айтмоқ керак.

Яна дангал айтиш керакки, валютанинг тўртталаб курси мавжуд бўлиб келгани, қора бозор аталмиш шармандали ҳолатнинг тараққиёт оёғига тушов бўлгани айнан президент бошлаган ислоҳотлар сабаб аста секин абас бўлиб, йўқлик сари равона бўлмоқда.

Сўнги қарор экспортдан тушган валютанинг мажбурий сотилишига барҳам берилиши эса истиқболнинг очиқ кўриниб қолганидан нишона. Буни ҳатто қилни қирқ ёрган Халқаро валюта жамғармаси экспертлари ҳам дангал тан олишди", — деди кўрсатув бошловчиси.

Кўрсатувда ташқи сиёсатда йўл қўйилган камчиликлар президент Мирзиёев ҳал қилаётгани таъкидланди:

"Яқин қўшнилар билан кимўзар мусобақа эмас, самимий ва ўзаро ишончли алоқаларни фаолиятнинг илк соатлариданоқ эълон қилиш, Марказий Осиё давлатларининг Ўзбекистонга бўлган ишончли муносабатига сабаб бўлди. Бир-бирига тўмтайиб юришлар, "Сен зўрми, мен зўр" қабилидаги хўрозланишлар, бир оғиз илиқ гапу лутф билан баъзида айниқса чегара масалаларидаги йиллаб чигаллашиб кетган муаммолар кеча-кундуз бақамта ўтириб ишлашлар эвазига бартараф қилингани бор гап.

Натижалар тўққиз пулдек аён Туркманистон бизга Касбий портларини-ю нефт конларини биргаликда фойдаланиш учун очиб берди. Қозоғистон билан маҳсулот айирбошлаш биринчи чоракнинг ўзида ўттиз етти фоизга ошди. Қирғизистон билан чегара масалалари ижобий якун топиш арафасида. Тожикистон бизнинг маҳсулотларни кўзига суртиб сотиб ола бошлади.

Президент ўз фаолияти бошлаган кезларда ташриф буюрган мамлакатлар билан тузилган шартномалар сони уч юз йигирмадан дан ошиб, унинг миқдори қирқ тўрт миллиард АҚШ долларини ташкил этди. Бу аниқ рақамлардаги мисоллар.

Ўзбекистон президенти Шавкат Мирзиёев - Sputnik Ўзбекистон
Мирзиёев сифатсиз маҳсулотлар кириб келиши учун шароит яратган давлат корхонасини тугатди
Юқорида саналган йўналишлар ўта кенг, ўта кўламдор фаолиятга чизгилар холос.

Ҳар бир ҳақида аслида соатлар гапирмоқ мумкин. Лекин бугун гапнинг ўзи ҳам шартмасдек. Муҳими ҳамма кўриб, ҳамма билиб турибти. Муҳими президент Мирзиёевнинг ўзидек ҳаловатдан воз кечмоқ, бир ўзбек фарзанди сифатида миллатни жон-дилдан севмоқ керак холос.

Унутмайлик, ҳаловатдан воз кечишнинг ортидан халқ дарди, эл-улус манфаати, миллат тараққиёти, фарзандларимизнинг эртанги фаровон турмуши деган — энг олий мақсадлар турибти, асосийси шу эмасми?", — деб якун ясади кўрсатув бошловчиси.

Янгиликлар лентаси
0