Ўзбекистонда маҳбусларга видеоучрашувларга рухсат берилади

© Sputnik / Андрей Стенин / Медиабанкка ўтишПодследственный в СИЗО "Матросская тишина"
Подследственный в СИЗО Матросская тишина - Sputnik Ўзбекистон
Oбуна бўлиш
Жазони ижро этиш Бош бошқармаси, унинг бўлинма ва муассасалари ўртасида ҳимояланган каналлар орқали видеоконференция тизимини жорий этиш режалаштирилмоқда

TOШКЕНТ, 12 август — Sputnik. Ўзбекистонда яқин орада маҳбуслар яқинлари билан видеоучрашувлар орқали мулоқот қилиш ҳуқуқига эга бўладилар, деб хабар берди Sputnik мухбири.

Шавкат Мирзиёев озодликдан маҳрум қилиш билан боғлиқ бўлган жазони ижро этиш муассасалари соҳасидаги ички ишлар органлари фаолиятини тубдан такомиллаштириш бўйича чора-тадбирлар тўғрисидаги қарорни имзолади.

Ўзбекистонликлар қамоқхонага савол беришлари мумкин бўлди

Ҳужжатдаги энг асосий йўналишлардан бири – замонавий технологияларни жорий этиш. Хусусан, жазони ижро этиш Бош бошқармаси, унинг бўлинма ва муассасалари ўртасида ҳимояланган каналлар орқали видеоконференция тизимини жорий этиш режалаштирилмоқда. Қарорда ушбу тизим ёрдамида маҳбусларнинг яқинлари ва қариндошлари билан масофавий видеоучрашувлар ўтказиш имкониятини таъминлаш белгиланган.

Қамоқхоналарда ишлаб чиқариш ва қишлоқ хўжалик фаолияти ҳамда бошқа хизматлар кўрсатиш билан шуғулланувчи давлат унитар корхоналарини ташкил этиш кўзда тутилмоқда. Шунингдек, янги ташкил этилган давлат корхоналари ва тизимнинг бошқа муассасалари фаолиятидан олинадиган даромад ҳисобига молиялаштириладиган жазони ижро этиш Бош бошқармасининг Марказлашган фонди ташкил қилинади.

Давлат раҳбари 2017 йилнинг 1 декабрига қадар барча қамоқхоналарда маҳбусларга жазо ўташ тартиби ва шароитлари, афв этиш тартиби ҳақида маълумот берувчи ахборот стендлари билан жиҳозлаш топшириғини берди. Бу маълумотлар шунингдек, Ички ишлар вазирлигининг сайтида ҳам жойлаштирилиши шарт.

СИЗО - Sputnik Ўзбекистон
Тошкентда маҳбуслар билан муомалада бўлиш қоидалари мавзусида давра суҳбати ўтказилди

Яна бир муҳим йўналиш – жазони ижро этиш муассасалари фаолиятини ривожлантириш бўйича 2018-2022 йилларга мўлжалланган чора-тадбирлар Дастури 2017 йил 1 ноябрга қадар ишлаб чиқилиши ва тасдиқланиши белгиланган.

Унда бино ва иншоотларни қуриш ва реконструкция қилиш, қамоқхоналардаги ишлаб чиқариш қувватлари ва техник қайта қуролланишни ривожлантириш, жазони ижро этиш муассасалари ҳамда улардаги ишлаб чиқариш ва қишлоқ хўжалик фаолияти билан шуғулланадиган ташкилотларга маълум турдаги маҳсулотларни ишлаб чиқариш бўйича буюртмаларни жойлаштириш кўзда тутилиши лозим.

Янгиликлар лентаси
0