ТОШКЕНТ, 30 авг — Sputnik. Самарқанд марказида жойлашган хотира мажмуаси ушбу йилнинг 2 сентябрь куни очилади, деб хабар қилди Биринчи президентининг кенжа қизи Лола Каримова-Тилляева.
Унинг айтишига қараганда, Ислом Каримов хотира мажмуаси устида олиб борилган ишлар ЮНЕСКО ва Ёдгорлик ва диққатга сазовор жойларни сақлаб қолиш халқаро кенгаши (ИКОМОС) билан ҳамкорликда олиб борилган ва ўтган бутун йил давомида тўхтовсиз олиб борилган.
“Биз ушбу ҳамкорликдан мамнунмиз. Унинг натижасида мақбарада олиб борилган барча ишлар ЮНЕСКО тавсияномасига кўра амалга оширилди. Ўрта Осиё меъморчилигининг энг яхши анъаналарини ўзига мужассамлаштирган ушбу мақбара 2 сентябрь, отам вафот этган куннинг бир йиллигига очилади”, — деди Лола Каримова-Тилляева.
Ўзбекистоннинг биринчи президенти, Ислом Каримов мамлакатни 25 йилдан ортиқ вақт давомида бошқариб келган эди. 2016 йилнинг 2 сентябрида Ислом Каримов 78 ёшида инсульт оқибатида вафот этган эди. Каримов ўз ватанида Самарқандда дафн этилган.
Эслатиб ўтамиз, яқинда Ўзбекистон президенти Шавкат Мирзиёев 2 сентябрни Ислом Каримов хотира куни сифатида нишонлаш ҳақида қарор имзолаган эди. Ундан ташқари, Тошкентдаги Оқсарой резиденциясида Ислом Каримов номидаги илмий-маърифий хотира мажмуаси очилади. Шунингдек, ҳар йили Ислом Каримов туғилган кун — 30 январь Ислом Каримов туғилган куни сифатида кенг нишонланади.
