ТОШКЕНТ, 30 авг — Sputnik. Ўзбекистон президенти Шавкат Мирзиёев 6 сентябр куни Қирғизистонга ташриф буюриши кутилмоқда, деб хабар берди ҳукумат матбуот хизмати. Бу ҳақда икки давлат бош вазирлари — Сапар Исаков ва Абдулла Ариповнинг телефон орқали мулоқотлари давомида маълум бўлган.
Ўзбекистон бош вазири Арипов Исаковни бош вазирлик лавозимига тайинлангани билан табриклади ва ишларида муваффақият тилади, деб ёзади Sputnik Қирғизистон.
Ҳукумат раҳбарлари савдо-иқтисодий ва маданий-гуманитар ҳамда чегара масалалари бўйича ўзаро ҳамкорликни муҳокама қилишди.
Бундан ташқари, Ўзбекистон президентининг Қирғизистонга бўлажак ташрифи муҳокама қилинди.
