18:40 18 Ноябр 2017
Эфир
Выставка ярмарка продукции промышленных товаров Республики Узбекистан 2017

Душанбедан жавоб: октябрда Тошкентда тожик маҳсулотлари намойиш этилади

© sputnik
Жамият
Ҳавола олиш
252 0 0

Кўргазмани сентябрда ўтказиш режалаштирилганди, бироқ тайёргарлик жараёнлари сабабли октябрга кўчирилди

ТОШКЕНТ, 12 сен — Sputnik. Тожикистон ҳукумати Ўзбекистон ҳукуматига 11-14 октябр кунлари Тошкентда тожик саноат маҳсулотлари кўргазмасини ўтказишни таклиф этди, деб хабар бермоқда Sputnik Тожикистон.

Тожикистон ҳукуматидаги манбанинг билдиришича, кўргазма Ўзэкспомарказ ҳудудида ўтказилиши мумкин.

Ўзбекистон пойтахтида 64 тожик корхонасининг маҳсулотлари намойиш этилиши кутилмоқда. Ушбу рўйхатга қурилиш материаллари, тоғ-кон саноати, машинасозлик ҳамда енгил саноат маҳсулотларини киритиш таклиф қилинмоқда.

Ўтган йил охирида Душанбеда бўлиб ўтган Тожикистон ва Ўзбекистон ўртасидаги савдо-иқтисодий ҳамкорлик бўйича ҳукуматлараро комиссия мажлисида кўргазма ташкил этиш ҳақида келишиб олинганди.

Илгарироқ кўргазмани сентябрда ўтказиш режалаштирилганди, бироқ тайёргарлик жараёнлари сабабли октябрга кўчирилди.

Кўргазма доирасида Тошкентда Тожикистон ва Ўзбекистон тадбиркорлик ҳамжамиятлари иштирокида бизнес-форум ўтказиш режалаштирилган.

Шунингдек, кичик бизнес субъектлари ва хусусий тадбиркорларни қўллаб-қувватлаш Фонди ва "Ўзтрейд" компанияси Тожикистонда ўз ваколатхоналарини очишлари маълум қилинган.

Апрел ойида Душанбедаги "Пойтахт-90" савдо марказида илк бор Ўзбекистон саноат маҳсулотлари кўргазма-ярмаркаси ўтказилганди. Кўргазма давомида Тожикистон ва Ўзбекистон бизнес доиралари вакиллари умумий қиймати 35 миллион долларлик 20та келишув имзолади.

Асосий мавзулар