ТОШКЕНТ, 14 сен — Sputnik. Халқаро пресс-клубнинг навбатдаги сессияси эртага, 15 сентябрдан бошлаб яна жонли эфирга чиқа бошлайди. Ушбу маълумотни Sputnik мухбирига пресс-клуб матбуот хизмати хабар қилди.
"Халқаро пресс-клубнинг навбатдаги сессияси 15 сентябрда соат 11:00 эфига чиқади. Навбатдаги сессия тадбиркорлар ҳуқуқларини ҳимоя қилиш вакиллари иштирокида бўлиб ўтади", — деди Халқаро пресс-клуб вакили.
Эслатиб ўтамиз, маҳаллий ОАВлар хабарига кўра, 21 августдан бошлаб Халқаро пресс-клубнинг сессиялари тўғридан-тўғри эфирга узатиш "техник сабабларга кўра" вақтинча тўхтатилган эди.
Шерод Қудратхўжаевнинг ўзи ушбу мавзуда Facebookда "пресс-клуб фаолияти тухтатилгани йўқ" деб изоҳ берган эди.
