Аскарларни кириш имтиҳонларига тайёрлаш учун махсус курслар жорий этилади

© Министерство обороны РФНа полигоне Андреевский под Тюменью открылись Международные конкурсы "Инженерная формула" и "Безопасный маршрут" в рамках Армейских международных игр-2017
На полигоне Андреевский под Тюменью открылись Международные конкурсы Инженерная формула и Безопасный маршрут в рамках Армейских международных игр-2017 - Sputnik Ўзбекистон
Oбуна бўлиш
Ҳарбий хизматни ўтаётган аскарлар учун 5 та фан бўйича жами 190 соатдан иборат бўлган махсус ўқув курслар ташкил этилади

ТОШКЕНТ, 16 окт — Sputnik. Ўзбекистон ҳарбий қисмларида аскарлар учун махсус тайёрлов курслари ташкил қилинмоқда. Ушбу курсларда таҳсил олиш ҳарбийларга келажакда олий таълим муассасаларига ўқишга кириш имкониятини тақдим этади, деб хабар қилди Sputnik Ўзбекистон мухбири.

Военнослужащий вооруженных сил Узбекистана - Sputnik Ўзбекистон
Халқаро армия ўйинларида Ўзбекистон разведкачилари 2-ўринда
Ўзбекистон ҳукумати Қуролли Кучлар Академияси ҳамда қатор соҳавий идораларга ноябр ойи ўртасигача ҳарбий қисмларда май-декабр ойларида аскарлар учун олий таълим муассасаларига кириш имкониятини берувчи ўқув машғулотлар йиллик дастурини ишлаб чиқиш тўғрисида топшириқ берилди.

Режага мувофиқ, аскарлар 5 та фандан ортиқ бўлмаган жами 190 соатдан иборат ўқув курсларида таҳсил оладилар. Шу билан бирга битта фанга ажратиладиган вақт 50 соатдан ортиқ бўлмаслиги керак.

Аскарларга ҳарбий қисмлар олдида жойлашган олий таълим муассасалари, ўрта махсус ва умумий таълим ҳамда мутахассислик муассасалари ўқитувчилари томонидан маърузалар ўтказилади. Шу ўринда ўқитувчиларни ҳарбий қисмга олиб келиш ва олиб бориб қўйиш вазифаси Вазирлар Маҳкамаси зиммасига юклатилган.

Дарс ўтиш жараёнида жонбозлик кўрсатган ўқитувчиларнинг лавозим маошларига махсус 50 фоизлик устама ҳақ қўшилади.

Бундан ташқари, Халқ таълими вазирлигига зудлик билан ҳарбий қисм кутубхоналарини керакли адабиётлар ва электрон қўлланмалар билан таъминлаш вазифаси берилган.

Ўзбекистон президенти Шавкат Мирзиёев - Sputnik Ўзбекистон
Мирзиёев: кимки ўз армиясини боқишни истамаса, бошқаларнинг армиясини боқади

Яна бир қизиқ томон шундаки, аҳоли турар жойларидан 50 кмдан ортиқ масофада жойлашган ҳарбий қисмларда ўқув машғулотлари масофавий тарзда — аудио ва видео маърузалар шаклида ўтказилади.

Эслатиб ўтамиз, дунёнинг етакчи халқаро ташкилотлар томонидан мунтазам равишда чоп этилаётган ҳисоботларда Ўзбекистон Қуролли кучлари МДҲ давлатлари орасида энг зўр армия сифатида тан олиб келинади. Хусусан, Global Firepower экспертлари ўтказган тадқиқотга кўра, Ўзбекистон армияси дунёнинг энг кучли 50 армияси рўйхатига киритилган ва бу билан Марказий Осиёдаги энг қудратли ҳарбий держава номига сазовор бўлган.

Янгиликлар лентаси
0