ТОШКЕНТ, 10 янв – Sputnik. Фуқароларнинг хорижга чиқиш тартиб-таомилларини соддалаштириш бўйича Ўзбекистон президенти фармонининг лойиҳаси кўриб чиқилмоқда, деб ёзади uz24.uz. Бу 9 январдан жамоатчилик муҳокамасига тақдим этилган 2018 йилги Давлат дастури лойиҳасида қайд этилган.
Лойиҳага кўра, паспорт тизими бўйича янги тартиб 2018 йил 1 июлдан кучга кириши белгиланган.
Ҳужжатда миллий биометрик паспортни хорижга чиқиш паспорти сифатида эътироф этиш ва Ўзбекистон ҳудудида яшаш, ҳаракатланиш учун фуқаролик паспорти ўрнига шахсни тасдиқловчи ID — идентификация картасини жорий этиш назарда тутилади.
