ТОШКЕНТ, 18 янв — Sputnik. Қирғизистон давлат чегара хизмати томонидан ўзбек-қирғиз чегара участкасидаги назорат ўтиш жойидан фуқаролар қатновини тезлаштириш мақсадида тегишли чоралар кўрилди.
Биринчи навбатда чегара хизмати томонидан қўшимча паспорт назорат хоналари ўрнатилади.
Шунингдек, Ўш вилоятидаги "Достук-автойўл" халқаро ўтиш жойида қўшимча 10 та (5 та чиқиш ва 5 та кириш) паспорт текширув хоналари ўрнатилди.
"Кўрилган чоралар натижасида фуқароларнинг бир сутка давомида 7 минг киши ёки 1,7 баравар кўп ўтиши таъминланди", — дейилган Қирғизистон давлат чегара хизмати хабарида.
Баткент туманидаги "Қадамжой-автойўл" пунктида ҳам қўшимча паспорт назорати хоналари ўрнатилди. Бугунги кунда бир суткада 700-750 минг киши ўтишига мўлжалланган пункт орқали 2-2,5 минг киши ўтмоқда.
2018 йил 19 январдан қўшимча паспорт назорат хоналар иш фаолиятини йўлга қўйиш режалаштирилган.
Бундан ташқари, Жалолобод туманидаги "Маданият-автойўл" халқаро назорат ўтиш жойидан 2 та қўшимча паспорт текширув хоналари очилди.
