Ўзбекистонлик ёш боксчилар жаҳон чемпионати чорак финалига чиқишди

© PhotoxpressБоксчи
Боксчи - Sputnik Ўзбекистон
Oбуна бўлиш
Мусобақада дунёнинг 63 мамлакатидан 350дан ортиқ спортчилар қатнашмоқда, бироқ чорак финал босқичига 80 нафар боксчи, жумладан ўзбекистонлик беш боксчи чиқди

ТОШКЕНТ, 24 ноя — Sputnik. Ўзбекистонлик боксчилар Санкт-Петербургда бўлиб ўтаётган ёшлар ўртасидаги V жаҳон чемпионати (AIBA Youth World Boxing Championships) чорак финалига етиб келишди. 

Мусобақада дунёнинг 63 мамлакатидан 350дан ортиқ спортчилар қатнашмоқда, бироқ чорак финал босқичига 80 нафар боксчи, жумладан ўзбекистонлик беш боксчи чиқди.

Мусобақа сайтида билдирилишича, 75 кг вазн тоифасида Шоҳрухбек Рустамов Хитой Тайпейи боксчиси Ган Цявей устидан 5:0 ҳисобида ғалаба қозонди. У чорак финалда германиялик Везир Агирман билан учрашади.

Chinggis Khan Cup кубоги - Sputnik Ўзбекистон
Чингиз Хон кубогида Ўзбекистон бокс жамоаси 11та медал қўлга киритди

56 кггача вазн тоифасида Шунқор Абдурасулов германиялик Андреас Жагердан устун келди. Ҳакамлар ўзбекистонлик боксчи 5:0 ҳисобида ғалаба қозонганини қайд этишди. Энди Абдурасулов хитойлик Цзэн Цзянга қарши рингга кўтарилади.

60 кггача вазнда иштирок этаётган Билолбек Мирзараҳимов арманистонлик Нарек Ховханнисянни енгди. У ярим финалга чиқиш учун россиялик Баслан Хамзаев билан куч синашади.

Отабек Холматов (52 кггача) Никарагуа боксчиси Жозе Дарвин устидан 5:0 ҳисобида ғалаба қозонди. Чорак финалда унинг рақиби доминиканлик Луис Рейналду Нуньез бўлади.

91 кггача вазн тоифасида Шоҳруз Раҳимов венгриялик Ричард Кочишдан устун келди, кейинги босқичда у англиялик Льюис Вильямс билан учрашади.

Янгиликлар лентаси
0