ТОШКЕНТ, 31 янв — Sputnik. Бугун Тошкентдаги "Бунёдкор" стадионида ОЧЛ-2017 ўтиш босқичи доирасидаги "Насаф" — "Ал Ҳидд" учрашуви бўлиб ўтди.
Унда Қаршининг "Насаф" жамоаси Баҳрайннинг "Ал-Ҳидд" клуби билан куч синашди.
Шаҳбоз Эркинов, Игорь Голбан, Дониёр Нарзуллаев ва Драган Черанларнинг урган голлари эвазига "Насаф" 4:0 ҳисобида ғалаба қозонди ва кейинги босқичга йўлланма олди.
Плей-офф босқичида Рўзиқул Бердиев шогирдлари сафарда Саудия Арабистонининг "Ал-Фотиҳ" клубига қарши баҳс юритади.
Учрашувдан бир кун олдин бўлиб ўтган матбуот анжуманида меҳмонлар мураббийи Ўзбекистонга фақат ғалаба учун келишгани ва "Насаф"ни ютиш улар учун ҳеч қандай сенсация бўлмаслигини билдирганди.
