ТОШКЕНТ, 9 фев — Sputnik. Ўзбекистонлик ҳакам Равшан Эрматов 2018 йили Россияда бўлиб ўтадиган жаҳон чемпионатида ишлаши мумкин бўлган номзод ҳакамлар рўйхатига киритилди. Бу ҳақда Ўзбекистон футбол федерацияси матбуот хизмати хабар бермоқда.
Умумий рўйхатдан жами 53 нафар ҳакам жой олган бўлиб, улардан 7 нафари Осиё қитъасидан.
Хабарда билдирилишича, 3-7 апрель кунлари Италиянинг Флоренция шаҳридаги Коверчано тайёрлов марказида номзод ҳакамлар учун семинар бўлиб ўтади.
Равшан Эрматов ЖЧ-2010 ва ЖЧ-2014 турнирларида жами 9 та учрашувни бошқарган бўлиб, бу кўрсаткич бўйича жаҳон рекордчиси саналади.
Футбол бўйича 21-жаҳон чемпионати 2018 йил 14 июндан 15 июлга қадар Россиянинг 11 шаҳрида бўлиб ўтади.
