ТОШКЕНТ, 9 июн — Sputnik. Германиянинг Transfermarkt.de сайти Ўзбекистон миллий терма жамоаси футболчиларининг трансфер баҳоларини эълон қилди. Унга кўра, Ўзбекистоннинг энг қиммат футболчиси Москванинг "Локомотив" клуби футболчиси Виталий Денисов бўлиб турибди. Унинг нархи 6 млн еврога тенг.
Хитойнинг "Шанхай СИПГ" жамоасида тўп сурувчи Одил Аҳмедов иккинчи ўринда жойлашган. Унинг трансфер баҳоси 5,50 млн евро этиб белгиланган.
Рўйхатнинг учинчи ўрнини Қатарнинг "Ал-Жаиш" клуби аъзоси Сардор Рашидов банд этган. Унинг трансфер нархи —2 млн евро.
"Пахтакор" футболчиси Игорь Сергеевнинг трансфер нархи 1,6 млн еврони ташкил этади.
Юқори бешликни Қатарнинг "Ас Сайлия" жамоаси ҳужумчиси Темурхўжа Абдухолиқов роппа-роса 1 млн евро нарх билан якунлаб беради.
