22:35 21 Ноябр 2017
Эфир
Дубайский Океанариум и подводный зоопарк

Ўзбекистонда илк бор океанариум ва сув ости ресторани - "Формула-парк" қурилади

© Sputnik/ Евгений Биятов
Туризм
Ҳавола олиш
107630

Туркиянинг Demir Group компанияси томонидан "Чорсу" меҳмонхонаси тўлиқ қайта қурилиб, унинг ўрнига замонавий меҳмонхона ва бизнес маркази қурилади

ТОШКЕНТ, 13 сен — Sputnik. Давлат инвестиция қўмитаси, Туризмни ривожлантириш бўйича давлат қўмитаси, Тошкент шаҳар ҳокимияти ва Туркиянинг Demir Group компанияси ўртасида туризм соҳасида инвестициявий ҳамкорликни ривожлантириш бўйича меморандум имзоланди. Ҳужжатга кўра "Чорсу" меҳмонхонаси тўлиқ қайта қурилиб, унинг ўрнига замонавий меҳмонхона ва бизнес маркази қурилади.

Demir Group 33 млн долларлик инвестиция ва ижтимоий мажбуриятлар ҳамда ўз ҳисобидан ажратилган ва жалб қилинган сармоя, тижорат банкларининг маблағи эвазига "Чорсу" меҳмонхонасини ноль қийматида харид қилади, деб ёзади nuz.uz "Коммерсант.уз"га асосланиб.

Махсус туристик зона "Эски шаҳар" номини олиб, ўз ичига меҳмонхона, савдо маркази, ҳунармандлик устахоналари ва дўконларга эга туристик ҳудуд ва соғломлаштириш комплексларидан иборат бўлади.

Лойиҳани амалга ошириш учун халқаро миқёсдаги меҳмонхоналар тармоғи ва брендига эга ҳамкор жалб этилади. Режага кўра 270 та хонага эга тўрт юлдузли меҳмонхона, дўконлар, спа ҳамда бино атрофида ободонлаштирилган, зарур инфратузилмага эга ҳудуд яратилади.

Шунингдек, мажмуага Ўзбекистонда илк бор океанариум ва унинг ичида сув ости ресторани — "Формула-парк" қурилади. Мажмуа ҳудудида соғлом турмуш тарзини тарғиб қилувчи "КоВорк-маркази", амфитеатр, 7D ҳажмдаги кинотеатр, бассейн, фуд-корт ҳам қурилади. Лойиҳанинг амалга оширилиши натижасида 350та янги иш ўринлари яратилади.

Айни вақтда меҳмонхона ҳудуди 1,9 гани ташкил қилади, кенгайтириш жараёнида майдон 4,9 гектарга етиши кутилмоқда.

Хабарда айтилишича, лойиҳани амалга ошириш учун Demir Group томонидан InterTourism ҚК МЧЖ корхонаси ташкил этилади.

Янги корхона 2019 йилнинг 31 декабригача ускуналар, материал, қурилиш буюмлари ва жиҳозлар, мебель ва инвентарь учун божхона тўловлари (расмийлаштириш тўловларидан ташқари)дан озод этилган.

Шунингдек, InterTourism турзона ишга туширилгандан сўнг 7 йил муддатга даромад, мол-мулк, ер, ободонлаштириш ва ижтимоий инфратузилма, шунингдек Вазирлар Маҳкамаси қошидаги Республика ер жамғармасига мажбурий тўлов ҳамда солиқлардан озод этилади.

"Эски шаҳар" ҳудудида яратиладиган тадбиркорлик объектлари, дўкон ва бошқалар 3 йилга даромад, ободонлаштириш ва ижтимоий инфратузилма, микрофирма ва кичик корхоналар учун ягона солиқдан озод этилади.

"Чорсу" меҳмонхонасининг тикланиши кўрсатмаси Шавкат Мирзиёевнинг ташаббуси билан, унинг Шайхонтоҳур туманига амалга оширилган ташрифи давомида берилди.

Тошкентдаги "Чорсу" меҳмонхонаси кўп йиллардан буён бўш турибди. Айни вақтда бино Тошкент ҳокимияти биноларидан фойдаланиш департаменти тасарруфида.

Асосий мавзулар