ТОШКЕНТ, 27 фев – Sputnik. Чеченистон раҳбари Рамзан Қодиров регион раҳбарлигидаги вақти тугаганлигини, ҳукумат унинг ўрнига бошқа одам топиши кераклигини маълум қилди, РИА Новости хабарига кўра.
"Ҳақиқатни гапираман, мен ишладим ва шу кунгача ўз вазифамни уддалаб келдим. Эндиликда, номимдан халқимга қарши фойдаланмасликлари учун, мамлакат раҳбарлари ўрнимга бошқа одамни топишлари керак, деб ўйлайман. Рост айтяпман – даврим тугади. Жамоамизда муносиб ворислар, жуда яхши мутахассислар бор”, деди Қодиров “НТВ” каналига берган интервьюси давомида.
Эслатиб ўтамиз, бундан сал олдин Рамзан Қодиров республика бошқарувида ўз вазифасини сидқидилдан адо этиб бўлганини, “аммо агар, хизмат қилишда давом эт, деб айтишса, хизматимни давом эттираман”, деб таъкидлаган эди.
