14:54 22 Сентябр 2017
Эфир
Туркманистон президенти Гурбангули Бердимуҳаммедов. Архив сурат

Туркманбоши ёлғон об-ҳаво маълумоти бераётган синоптикни ишдан бўшатди

Фотохост-агентство
Дунёда
Ҳавола олиш
118 0 0

Гидрометеорология миллий қўмитаси учун замонавий бино қурилди, муассаса учун барча шарт-шароитлар яратилди, аммо бунга қарамай, нотўғри об-ҳаво маълумотлари сони ортиб бормоқда, деб таъкидлади Туркманистон президенти Гурбангули Бердимуҳаммедов.

ТОШКЕНТ, 5 мар — Sputnik, Амангелди Нурмурадов. Туркманистон президенти Гурбангули Бердимуҳаммедов Гидрометеорология миллий қўмитаси раиси Ботир Халлиевни ёлғон маълумотлар бераётгани учун ишдан бўшатди, деб хабар қилади РИА Новости.


Давлат раҳбари ҳукумат кенгаши мажлисида нутқ сўзлар экан, туркман синоптиклари ишидаги асосий камчилик — бу об-ҳаво маълумотлари тўғри берилмаётгани эканлигини таъкидлади.

"Биз, Гидрометеорология қўмитаси фаолиятини такомиллаштириш мақсадида, ушбу муассаса учун замонавий маъмурий бино қурдик. Қўмитага молиявий кўмак кўрсатдик, барча керакли жиҳозларни ортиғи билан харид қилдик. Халлиев ўшанда бизга, мана энди об-ҳаво маълумотлари аниқ бериб борилади, деб сўз берган эди. Аммо, у ваъдаси устидан чиқмади. Кейинги вақтларда ёлғон маълумотлар сони ортиб кетди", — деди Бердимуҳаммедов.

Давлат раҳбарининг сўзларига қараганда, ушбу ҳолат қишлоқ хўжалиги ишларига салбий таъсир кўрсатибгина қолмай, транспорт тизими фаолиятида, қолаверса, оммавий-маданий тадбирларни уюштиришда ҳам маълум қийинчиликлар туғдирмоқда: эртага қуёш чарақлаб туради, деган умидда, уйидан енгил кийиниб чиқаётган одамлар, шаррос ёмғир остида қолмоқда.
Шу сабаб, президент 2010 йилдан бери Гидрометеорология хизматига раислик қилиб келаётган Халлиевни лавозимидан озод этди. Унинг ўрнига Бегенч Миминов тайинланди.
Шунингдек, ҳукумат кенгашида Туркманистон давлат статистика қўмитаси раҳбари ҳам лавозимидан озод этилди. У статистик маълумотларни бўрттириб кўрсатаётгани учун ишдан ҳайдалди.

Асосий мавзулар