ТОШКЕНТ, 9 сен — Sputnik. Сал олдин Жанубий Корея, Япония ва Америка Қўшма Штатлари Шимолий Корея томонидан амалга оширилган навбатдаги ядро бомбаси синовларидан сўнг қўшма мажлис ташкил қилиш талаби билан Бирлашган Миллатлар Ташкилотига мурожаат қилишган эди, деб хабар қилади РИА Новости.
Пак Кин Хенинг сўзларига кўра, Ким Чен Иннинг бу сингари ҳатти-ҳаракатлари шимолий кореялик етакчининг "маниакал жиннилигидан" дарак, холос.
Гарчи Оқ уй раҳбарияти бўлиб ўтган ҳодисадан тўлиқ бохабар бўлсада, айни вақтда Америка расмийлари бу борада бирор изоҳ беришдан сақланишмоқда.
Жанубий Корея ҳукумати бу ядро синовлари Шимолий Корея томонидан амалга оширилган бешинчи синов бўлганлиги ҳақида бонг уришни бошлади. Сеул ҳарбийларига кўра, портловчи қурилма кучи 10 килотоннани ташкил қилган бўлиши мумкин. Бу эса январ ойида содир этилган 6 килотонналик синовдан деярли икки баробар кучлидир, дея таъкидлайди улар.
Жанубий Кореялик мутахассислар, шунингдек, бордию маълумотлар ўз тасдиғини топадиган бўлса, бу Шимолий Корея тарихидаги энг йирик ядро синови сифатида қайд этилиши мумкинлигини таъкидлашмоқда.
Энг сўнгги ядро бомбаси синови Пхеньян томонидан 6 январ куни ўтказилган эди. Орадан бир ой ўтиб, 7 феврал куни, Шимолий Корея Ернинг сунъий йўлдошини олиб чиқувчи ракетани учирди.
Резолюцияга мувофиқ мамлакатда баллистик ракеталарни ишлаб чиқаришнинг ҳар қандай лойиҳаси таъқиқланган.
Пхеньян расмийлари бу резолюцияни тан олишдан кескин бош тортмоқдалар. Улар ракеталар учирилиши космосда тинч тадқиқот олиб бориш мақсадида амалга оширилаётгани, ядро бомбалари синови эса — АҚШ томонидан олиб борилаётган тажовузлик сиёсатидан ўзини ҳимоя қилиш мақсадида амалга оширилаётганини маълум қилди.
