БМТ Бош ассамблеяси делегатлари Ислом Каримов хотирасини ёд этдилар

© Sputnik / Дмитрий Астахов / Медиабанкка ўтишБМТ Хавфсизлик кенгаши
БМТ Хавфсизлик кенгаши - Sputnik Ўзбекистон
Oбуна бўлиш
Жорий йилнинг 16 сентябр куни Бирлашган Миллатлар Ташкилоти Бош Ассамблеяси 71-сессиясининг ялпи мажлиси бўлиб ўтди. Унда кун тартибининг биринчи банди Ўзбекистон Республикаси Президенти Ислом Каримов хотирасига бағишланди.

ТОШКЕНТ, 17 сен — Sputnik. Бош Ассамблея 71-сессия раиси Питер Томсон ва БМТ Бош котиби Пан Ги Мун Ўзбекистон Республикаси биринчи Президенти Ислом Каримов хотирасини ёд этиб, ҳурмат бажо келтириш билан тадбирни очди, деб хабар қилмоқда "Жаҳон" АА.

Хабарда айтилишича, Пан Ги Мун ўз нутқида Ислом Каримов оиласи ва Ўзбекистон халқига самимий таъзия билдирган.

БМТ Бош Ассамблеяси зали - Sputnik Ўзбекистон
БМТ мажлиси Ислом Каримов хотираси ҳурматига бир дақиқа сукут сақлаш билан бошланади
"Ислом Каримов Ўзбекистонни ижтимоий-иқтисодий ривожлантиришга қаратилган кенг кўламли саъй-ҳаракатларни амалга оширди. Мустақиллик йилларида мамлакат мингйиллик ривожланиш мақсадларини бажаришда муҳим ютуқларга эришди ва барқарор ривожланишнинг янги вазифаларини қўллаб-қувватлади. Давлат раҳбари раҳнамолигида минтақада тинчлик ва хавфсизликни таъминлашга улкан ҳисса қўшилди. Ислом Каримов томонидан Марказий Осиёда ядро қуролидан холи ҳудуд барпо этиш тўғрисидаги ташаббус илгари сурилгани ва унинг 2009 йилда кучга киргани бунга яққол мисол бўла олади.

Мен Бирлашган Миллатлар Ташкилоти ва, шу жумладан, Марказий Осиёда превентив дипломатия бўйича минтақавий марказнинг Ўзбекистон ва унинг атрофида тинчлик, тараққиёт ҳамда инсон ҳуқуқларини таъминлаш йўлида мамлакат билан яқин ҳамкорликни давом эттириш тарафдори эканлигини тасдиқлайман.

Ислом Каримовнинг бевақт ҳаётдан кўз юмгани муносабати билан менинг чуқур таъзиямни яна бир бор қабул қилгайсиз", — деб таъкидлаган ўз нутқида Пан Ги Мун.

Россия президенти Владимир Путиннинг Ўзбекистонга ташрифи - Sputnik Ўзбекистон
Путин: Ислом Каримов мамлакат учун энг мураккаб даврда катта ишларни амалга ошириб кетди
Ўз навбатида, БМТ Бош Ассамблеяси 71-сессиясининг раиси Питер Томсон Ўзбекистон Республикаси биринчи Президентининг бевақт ҳаётдан кўз юмгани муносабати билан мамлакат халқи ва ҳукуматига чуқур таъзия билдиргани баробарида Ислом Каримов мамлакатнинг замонавий тарихини ҳаётга татбиқ этганини алоҳида таъкидлаган. "Ўзбекистон бутун дунё учун ҳар доим муҳим чорраҳа бўлган", — деди БМТ Бош Ассамблеяси жорий сессиянинг янги сайланган раҳбари.

Йиғилиш чоғида Бирлашган Миллатлар Ташкилотининг барча бешта минтақавий гуруҳи (Осиё, Африка, Шарқий Европа, Лотин Америкаси ва Кариб минтақаси, Ғарбий Европа) вакиллари иштирок этган. Унда делегатлар Ўзбекистон ҳукумати ва халқига чуқур ҳамдардлик билдирар экан, Ислом Каримов ўз давлатининг хақиқий етакчиси экани ва замонавий ўзбек давлати тарихидаги улкан муваффақиятлар унинг номи билан чамбарчас боғлиқлигини таъкидладиганлар.

Шунингдек, Ўзбекистон Ислом Каримов раҳнамолигида Марказий Осиёда хавфсизлик ва барқарорликни таъминлашга имконият яратувчи ташқи сиёсатни олиб боргани ҳам алоҳида қайд этилган.

Янгиликлар лентаси
0