19:15 22 Июн 2017
Эфир
Япония байроғи

Япония КХДРга нисбатан янги санкциялар киритди

© AFP / Mandel NGAN
Дунёда
Ҳавола олиш
9401

БМТ Хавфсизлик кенгаши томонидан эълон қилинган санкцияларнинг давоми сифатида Япония ҳукумати КХДРга нисбатан санкциялар қабул қилди

ТОШКЕНТ, 2 дек — Sputnik. Япония ҳукумати Пхеньян томонидан бешинчи ядро синови ўтказилганига жавобан КХДРга нисбатан янги санкцияларни қабул қилди, деб хабар бермоқда РИА Новости.

Янги санкцияларга кўра, Шимолий корейс ассоциацияси раҳбарлари, ракета техникаси соҳасидаги хорижлик ядровий мутахассислар агарда Шимолий Кореяда бўлиб қайтган бўлишса, Японияга киритилмайди. Шунингдек, Шимолий Корея портига кирган ҳар қандай кемалар, хусусан япон кемалари ҳам Япония портларига киритилмайди. Бундан ташқари, Япониядаги ҳисоб рақамлари музлатиладиган КХДРнинг ядро ва ракета соҳасига алоқадор шахс ва ташкилотларининг рўйхати кенгайтирилади, деб хабар берди Киодо агентлиги.

БМТ Хавфсизлик кенгаши томонидан эълон қилинган санкцияларнинг давоми сифатида Япония ҳукумати КХДРга янги самолётлар ва вертолётлар экспортини ҳамда Шимолий Кореядан мис, никел, кумуш импортини тақиқлади.

Япония бош вазири ҳукумат мажлисида санкцияларнинг кучайтирилиши 1970-80 йилларда ўғирлаб кетилган ва КХДРда тутқунликда сақланаётган япон фуқаролари муаммосини ҳамда Пхеньяннинг ядро ва ракета дастури масаласини ҳал қилиши лозимлигини билдирди.

КХДР 5 сентябр куни учта баллистик ракета синовини муваффақиятли ўтказганди. 9 сентябр куни эса 2006 йилдан буён бешинчи марта ядровий синовни ўтказди.

БМТ Хавфсизлик кенгаши чоршанба куни КХДРга нисбатан санкция режимини кучайтирди. Ҳужжатда киришлари тақиқланган ва ҳисоб рақамлари музлатилиши лозим бўлган шахслар ва ташкилотлар рўйхати келтирилган. Шунингдек, мамлакатга етказиб бериш тақиқланган хом ашё, ускуна ва технологиялар санаб ўтилган.

Шимолий Корея санкциялар қабул қилинишини ўз суверенитети ва ривожланиш ҳуқуқига нисбатан тажовуз деб ҳисобламоқда.

Асосий мавзулар

  • День памяти и скорби в Ташкенте

    22 июнь - МДҲ мамлакатларида Хотира ва қайғу куни деб тан олинган. Бундан 76 йил олдин, 1941 йилнинг 22 июнида инсоният тарихида энг кўп қурбонларга олиб келган мудҳиш уруш бошланган эди.

    38
  • Ким Чен Ин, КХДР етакчиси

    Шимолий Кореяда фақатгина расман бунга рухсат олган қатор ташкилотлар Интернетга уланиш имкониятига эга. Шунинг учун ТИВ томонидан яратилган расмий сайт чет эллик фуқаролар ва мамлакатдан ташқарида яшаётган кореяликлар фойдаланишлари учун мўлжалланган

    35
  • Абитуриент

    Кириш синовларида тўплаган натижалари энг юқори баллнинг 30% (68,0 балл)дан кам бўлмаган, Давлат комиссияси томонидан белгиланган қўшимча ўринларга қабул қилинмай қолган ва ўқиш истагини билдирган абитуриентлар ўрнатилган тўлов-контракт миқдорига нисбатан 10 баробардан ортиқ оширилган тўлов-контракт тўлов тўлаш шарти билан ўқишга қабул қилинади

    316