ТОШКЕНТ, 30 янв — Sputnik. Эрон ўрта масофага зарба берувчи баллистик ракета синовини ўтказди, бу АҚШда янги президент сайланганидан кейин ўтказилган бирнчи синов бўлди, деб хабар қилмоқда РИА Новости, Fox News телеканали хабарига асосан.
Хабарда айтилишига кўра, баллистик ракета якшанба куни Семнан шаҳридан 225 км масофадан туриб учирилган. Ракета ҳавода 966 км масофани босиб ўтгач, портлаб кетган.
2015 йилнинг июлида қабул қилинган БМТнинг 2231 сонли резолюциясига кўра, Эрон бундай ракета синовлари ўтказиш ҳуқуқига эга эмас. “Лекин шунга қарамасдан Эрон ушбу резолюцияни иккинчи марта бузмоқда”, — дейилган телеканал хабарда.
БМТ Хавфсизлик кенгаши, Эрон ракета синови муносабати билан сешанба куни соат 10:00 да ташкилотнинг махсус вакили Стаффан Де Мистура иштирокида мажлис чақирди.
Эслатиб ўтамиз, Эрон ядровий дастури бўйича келишув 2015 йилнинг 14 июлида Венада тузилган эди. Келишувга кўра, Эрон унга нисбатан киритилган санкцияларни олиб ташлаш эвазига ўзининг ядровий қурол ишлаб чиқариш дастурини кескин қисқартириши керак эди.
