ТОШКЕНТ, 25 май — Sputnik. Италия, Франция ва Германия аҳолиси НАТОнинг Россия Польша ва Болтиқбўйи мамлакатларига бостириб кириши мумкинлиги ҳақидаги баёнотларига ишонмайди. Буни Sputnik.Мнения буюртмасига биноан Ifop компанияси томонидан Европа мамлакатларида ўтказилган сўровлар кўрсатди.
Сўровлар НАТОнинг Брюсселдаги саммити олдидан Европанинг энг тажрибали бўлган Ifop изланишлар компанияси томонидан ўтказилди.
Италия ва Германияда сўралганларнинг аксарияти (69% ва 60%) ҳамда Французларнинг 47% Россиянинг Польша ва Болтиқбўйи мамалкатларини эгаллаб олиш режалари борлигига ишонишмади. Бундай фикрда бўлганларнинг аксарияти — катта ёшдаги, ўқимишли фуқаролар.
Буюк Британия ва АҚШда эса аксинча, таълим даражаси юқори бўлган фуқаролар Россиянинг Шарқий Европага бостириб кириш нияти борлигига ишонишади. Сўровда британияликларнинг 43% ва америкаликларнинг 55% бунга ишонишини билдирди. АҚШда бундайларнинг аксарияти демократлар бўлиб чиқди.
Сўров Франциянинг энг тажрибали изланишлар компанияси бўлган IFop компанияси томонидан Европада 2017 йилнинг 21-25 апрел кунлари ўтказилди. АҚШда эса 21-27 апрел кунлари. Сўровда 18 ёшдан катта бўлган, 4005 респондент иштирок этди. СЎров хатолик эҳтимоли +/- 3 %ни, ишончлилик эҳтимоли 95 %ни ташкил қилади.
2016 илнинг июн ойида НАТО "Россия хавфи"дан ҳимоя қилиш мақсадида Литва, Латвия, Эстония ва Польшада тўрт батальон жойлаштирди. Москва ўз навбатида Россия ҳеч қачон шимолий альянс мамлакатларига ҳужум қилмайди деб таъкидлаган эди. Сергей Лавров айтишига қараганда, НАТО буни жуда яхши билади, лекин шу баҳона кўпроқ қўшнни Россия чегараларига яқинроқ жойларда жойлаштиришни истайди.
Sputnik.Мнения - жамоатчилик фикрини ўрганишга қаратилган халқаро лойиҳа бўлиб, ўз фаолиятини 2015 йилнинг январида бошлади. "Sputnik. Мнения"нинг сўровлар ўтказиш бўйича дунёда етакчи бўлган Populus, IFop ва Forsa компаниялари билан ҳамкорлик қилади. "Sputnik. Мнения" доимий равишда АҚШ ва Европа мамлакатларида энг долзарб ижтимоий ва сиёсий муаммолар бўйича аҳоли фикрини ўрганиш билан шуғулланади.
Sputnik (sputniknews.com) — халқаро ахборот агентлиги бўлиб, дунёнинг ўнлаб мамлакатларида ўзининг мултимедиа ва ахборот хабларига эга. Sputnik ўз ичига интернет саҳифалари, рақамли радиоэшиттиришлар, мобил дастурлар ва ижтимоий тармоқлардаги фаолиятни қамраб олади. Sputnik янгиликлари доимий равишда 30 тилда нашр этилиб келмоқда. Инглис, араб, испан ва хитой тилида хабарлар 24 соат давомида чиқиб туради. Sputnik.Мнениянинг бошқа хабарлари билан қуйида танишишингиз мумкин.
Sputnik.Мнения ўтказган бошқа сўров натижалари билан қуйида танишинг: http://sputniknews.com/trend/sputnik_polls_2016/
