Трамп Хитойга нисбатан тергов ишларини бошлашга буйруқ берди

© REUTERS / Lucy NicholsonАҚШ президенти Дональд Трамп
АҚШ президенти Дональд Трамп - Sputnik Ўзбекистон
Oбуна бўлиш
"Бу катта қадам, ва бу фақат бошланиши", - деб айтмоқда Трамп

ТОШКЕНТ, 15 авг — Sputnik. АҚШ президенти Дональд Трамп душанба куни Хитой томонидан Америкага тегишли интеллектуал мулкнинг талон-тарож қилиниши масаласини ўрганишга буйруқ берганини маълум қилди, деб хабар қилмоқда РИА Новости.

АҚШ президенти Дональд Трамп - Sputnik Ўзбекистон
Трамп: "Агар Хитой ёрдам бермаса, Шимолий Корея муаммосини мустақил ҳал қиламиз"
"Мен савдо музокаралари чоғида АҚШ вакилига Америка технологиялари ва Америка интеллектуал мулкини талон-тарож қилиниши юзасидан Хитой юритаётган сиёсат ва унинг ҳаракатларини ўрганиб чиқишни буюрдим", — деб айтган у Оқ уйда чиқиши давомида.

Америка етакчиси "расмий Вашингтон адолатли савдо-сотиқни таъминлаш учун қоидаларни мураккаблаштиришга тайёр" дея таъкидлаб ўтган.

"Бу катта қадам, аммо бу фақат бошланиши", — деган Трамп.

Интеллектуал мулк ҳуқуқининг бузилиши масалаларида Америка томонидан Хитойга нисбатан тергов ишлари бошланиши Вашингтон ва Пекин ўртасида "савдо уруши" юзага келишига олиб келиши мумкин, деб изоҳламоқда вазиятни China Daily нашри.

Эслатиб ўтамиз, интеллектуал мулк қоидалари бузилишига доир масалалар бўйича Хитойга нисбатан тергов ишлари бошланиши ҳақидаги хабарлар ўтган ҳафта тарқалган эди.

Пекин форумида олий мартабали меҳмонларни кутиб олаётган фахрий қоровул - Sputnik Ўзбекистон
КХДР Пекин форумида қатнашгани учун АҚШ Хитойга норозилик нотасини йўллади
Politico нашрининг ёзишича, Трамп бунда 1974 йилдаги Савдо актининг 301 моддасидан фойдаланишни режалаштирмоқда. Тергов ишларининг бошланиши ҳозирнинг ўзидаёқ Хитойга нисбатан санкциялар киритилишини билдирмасада, аммо расмий Вашингтон истиқболда экспорт товарлар учун бирёқлама тартибда чекловлар ўрнатиш имконини беради.

Бу эса ўз навбатида Хитой маҳсулоти учун импорт божлари ўсишига олиб келиши мумкин.

Бир неча кун олдин, 29 июл куни, Трамп ўзининг Twitterдаги аккаунтида Шимолий Корея муаммосини ҳал қилиш масаласида Хитой томонидан бўлаётган ҳаракатсизликлан "ўта таассуфда" эканлигини ёзган эди.

Янгиликлар лентаси
0