ТОШКЕНТ, 7 ноя — Sputnik. Қозоғистоннинг Акмолин вилояти Степногорск шаҳрида яшовчи фуқаро таркибида олтин мавжуд рудани қайта ишловчи яширин цехни ташкиллаштирган, деб хабар берди Қозоғистон Ички ишлар департаменти матбуот-хизмати.
10 Феврал 2017, 11:32
Хабарда айтилишича, 6 ноябр куни уюшган жиноятчиликка қарши кураш бошқармаси ходимлари томонидан Заводская посёлкасида таркибида олтин мавжуд материалларни қайта ишловчи ноқонуний цех аниқланган.
Текширув ишлари давомида цехдан майдалаш машинаси, олтин ювадиган стол, умумий оғирлиги 400 киллограммни ташкил қилувчи 13 қоп олтин руда аниқланган.
Полиция ноқонуний яширин цех ким томонидан ташкиллаштирилганини аниқлаган. У Степногорскда яшовчи 1970 йилда туғилган шахс бўлиб чиққан. Унинг ёнидан 10 грамм шлихталанган олтин топилган.
Фуқаро устидан "Ер бойликларидан ўзбошимчалик билан фойдаланиш" моддаси бўйича жиноий иш қўзғатилган.
