АҚШ Рамзан Қодировни "қора рўйхат"га киритди

© Sputnik / Алексей НикольскийРамзан Кадыров
Рамзан Кадыров - Sputnik Ўзбекистон
Oбуна бўлиш
Рамзан Қодиров АҚШ ҳукуматининг ушбу қарорига изоҳ берар экан, "мен бутун умримни террорга қарши курашга бағишладим, Америка шуни кечиролмади", - деди

ТОШКЕНТ, 21 дек — Sputnik. Чеченистон раҳбари Рамзан Қодиров куни кеча АҚШнинг "Магнитский рўйхати" деб аталувчи санкциялар рўйхатига киритилди.

Суриядан қайтарилган аёллар ва болаларни Грозний аэропортида кутиб олиниши - Sputnik Ўзбекистон
Суриядан қутқарилган аёл ва болаларни кутиб олиш лаҳзалари: улар орасида ўзбеклар ҳам бор
Қайд этилишича, Чеченистон раҳбарига нисбатан санкциялар республикада инсон ҳуқуқларининг бузилаётгани сабабли жорий этилган.

Қодиров ушбу ҳолатга киноя билан изоҳ берди. У Вашингтон қарорини Америкадан "мукофот" деб атади ва агар АҚШ ўзининг бутун бойликлари захирасини берганида ҳам, у давлатга ҳеч қачон бормаслигини маълум қилди.

"Америкага бориб, у ерда бизнес билан шуғулланиб, Манхеттенда ҳисоб рақамларимни очиш ҳақидаги режаларимни қирқ йилдан буён пишитиб келардим. Энди эса Лас-Вегасдаги казиноларни ҳам, Bank of Americaда сақланаётган миллиардларни ҳам кўра олмайман", деб ёзган Қодиров ўзининг Instagram даги саҳифасида.

Қодиров инсон ҳуқуқлари Чеченистонда эмас, балки АҚШда бузилаётганини қайд этди.

У ўз ҳаётини терроризмга қарши курашга бағишлагани учун америкаликлар уни кечира олмаслигини қўшимча қилди.

АҚШ президенти Барак Обама - Sputnik Ўзбекистон
АҚШ президенти "Магнитский қонуни"ни бутун дунёга жорий қилди
Америка молия вазирлиги сайтида эълон қилинган маълумотга кўра, Қодировдан ташқари "Магнитский рўйхати"га Россиянинг яна тўрт фуқароси — Аюб Катаев, Юлия Майорова, Андрей Павлов в Алексей Шешеня киритилган.

Чекловлар АҚШ ҳудудига киришга таъқиқ қўйиб, мамлакат ҳудудидаги активларнинг "музлатилишини" назарда тутади.

Ҳужжатда қайд этилишича, Қодиров, Вашингтон версиясига кўра, "судсиз ва терговсиз" йўқ қилинган қотилликларга дахлдор бўлган маъмуриятни бошқаради. Бундан ташқари, Америка молия муассасаси Чеченистон раҳбарини "ўз сиёсий рақибларга қарши акциялар" ўтказишда гумон қилган.

Янгиликлар лентаси
0