ТОШКЕНТ, 27 авг – Sputnik. Тошкентда янги автомбил йўли қурилиши бошланди. Бу йўл шаҳарнинг икки гавжум кўчасини боғлайди, — деб хабар берди "Ўзавтойўл" матбуот хизмати.
Дўрмон йўли кучасининг давомини ташкил қилувчи янги йўл, Ботаника боғи ёнидан ўтиб, Боғишамол ва Мирзо Улуғбек кўчаларини боғлайди. Қуриладиган йўл бўлагининг узунлиги ғ салкам икки километр.
Йўл олти қатордан ташкил топган бўлиб, унинг ёнида пиёдалар учун қулай йўлалаклар ва кўп хонадонли уйларга кирадиган йўллар қурилади. Жамоат транспорти учун иккта бекат ҳам қурилади.
Янги йўл шаҳар туманлар орасидаги масофани анча қисқартиради, чунки Ботаника боғи ва Кабель заводини айланиб ўтиш эҳтимоли қолмайди.
Янги йўл қурилишига тошкент ихтисослашган автомобил йўлларини қуриш ва фойдаланиш “Ўзавтойўл” АК жавобгар. Қурилиш 1 августдан бошланди. Йўл қурилиши сентябрда тугатилиши кутилмоқда.
