ТОШКЕНТ, 2 сен – Sputnik. "Ўзбекистон Ҳаво йўллари" миллий авиа компанияси авикассалари, йўловчилар қулайлигини таъминла учун, 1 сентябрдан бошлаб кассалар иш тартибини ўзгартирди, деб хабар берди компаниянинг матбуот хизмати.
Янги жадвалга кўра, авиачипталарни ҳафтанинг ҳар куни 08:00 дан 19:00 гача сотилади. Ундан ташқари кассаларда авиабилетларни пластик карта орқали сотиб олса ҳам бўлади.
Авииакасса залида маълумот олиш учун сенсорли экранлар ўрнатилган бўлиб, йўловчилар улар ёрдамида қатновлар жадвали, бўш жойлар сони ва чипталар нархи ҳақидаги маълумотларни билиб олишлари мумкин.
