ТОШКЕНТ, 23 окт — Sputnik. Ўзбекистонлик дизайнер Зулфия Султон Москвада бўлиб ўтган Mercedes Benz Fashion Week Russia кўригида ўз либосларини тақдим этди.
Европанинг энг йирик кўрикларидан бири бўлга Москвадаги мода ҳафтасида дунёнинг етакчи дизайнер ва моделерлари 2016 йил баҳор-ёз мавсумига ўз либосларини тақдим этишди.
“Мен подиумдан ажойиб ўзбек матолари тили билан гапираман, ёрқин ва жимжимадор икат нақшлари ҳамда жозибали кўринишлар! Умид қиламанки, бу чиройли, мазмунли ва эсда қоладиган фешн-монолог бўлади, ҳатто энг танти оммани ҳам бефарқ қолдирмайди”, — деб ўртоқлашшганди Зулфия Султон кўрик олдидан ўзининг Facebookдаги саҳифасида.
Зулфиянинг либосларида Ўзбекистоннинг ранг баранг кўринишлари ва бой маданий мероси акс эттирилган. Ушбу бетакрор либослар Москванинг кулранг манзарасида жуда кўркам кўринади.
