ТОШКЕНТ, 1 янв — Sputnik. Россияда 2016 йил 1 январдан бошлаб юридик шахслар учун бошқа такилот ишчиларини ёллаш таъқиқланади.
Олдин юридик шахслар бошқа ташкилот ишчиларини доимий равишда ёллаб ишлатиш ҳуқуқига эга эдилар. Бу уларга солиқ, ойлик маошларини иежашда ва кадрлар бошқарувни осонлаштиришда ёрдам берар эди.
2016 йил 1 январдан кучга кирган ФЗ-116 сонли федерал қонунга биноан, юридик шахслар учун бошқа ташкилот ишчиларини ёллаш таъқиқланган.
Россия Меҳнат вазирлиги таъкидлашига кўра, ушбу қонун бир ташкилот ишчиларини бошқа ташкилотга ишлаш учун юбориш ҳолатларини, кадрлар агентликлари фаолиятини тартибга солади.
Янги қонунга кўра, юридик ёки жисмоний шахслар кадрлар агентликлари томонидан ишчилар бошқа бошқа ташкилотларга юборилганда, ишчилар билан меҳнат шартномаси имзолаш ҳуқуқига эга бўладилар. Бундай ҳолатларга хусусан: жисмоний шахсларнинг шахсий эҳтиёжлари ва уй ишларини бажариш учун ишчи юбориш, вақтинчалик таътилда бўлган доимий ишчилар ўрнини босиш учун вақтинча ёллаш ҳолатлари киради.
Янги қонунга биноан кадрлар агентликлари бошқа ташкилотларга ишчиларни муддати 9 ойгача бўлган, вақтинчалик ёки мавсумий хусусиятга эга бўлган ишларни бажариш учун ҳам юбориши мумкин. Бундай ишларга фақат алоҳида тоифадаги ишчилар юборилиши мумкин: кундузги бўлимда ўқийдиган талабалар, кўп болали ота-оналар ва қамоқ жазосидан озод қилинган шахслар киради.
Кадрлар агентлклари ва бошқа ташкилотлар томонидан ишчилар ёллаш қатъиян таъқиқланган ҳолатларг қуйидагилар киради: корхона банкротлиги эълон қилинган вақтда, корхона қисқартирилган иш кунига ўтган ҳолатларда, доимий ёлланган ишчилар иш ташалаши (забастовка) қилиши ёки ишни бажаришдан воз кечиши ёки уларнинг иш ҳақи 15 кундан кечиктирилиши ҳолатларида.
Шу қаторда, Россия ҳукумати томонидан, ишлаб чиқариш зарарли ёки хавфли деб тан олинган корхоналарда ҳам ёлланган ишчилар меҳнатидан фойдаланиш таъқиқланади.
