ТОШКЕНТ, 7 янв — Sputnik. Туркия президенти Тойиб Эрдўғон Саудия Арабистони томонидан амалга оширилган қатллар мамлакатнинг ички сиёсий иши, деб атади, РИА Новости, Рейтер хабари асосида.
Бундан сал олдин Туркия Бош вазири ўринбосари Нўмон Қуртулмуш кенг миқёсдаги норозилик намойишлари ҳамда Эрон ва Саудия Арабистони ўртасидаги келишмовчиликларга сабаб бўлган шиа тарғиботчиси ан-Нимр қатлига изоҳ берар экан, Анқара ҳар қандай ўлим жазосига, айниқса, сиёсий сабаблар туфайли амалга ошириладиганларига кескин қарши эканини маълум қилган эди.
Эслатиб ўтамиз, Саудия Арабистони Ички ишлар вазирлиги томонидан 47 киши, шу жумладан, шиа тарғиботчиси Нимр ан-Нимрнинг қатл этилиши ҳақидаги хабари Эронда оммавий норозилик намойишларини келтириб чиқарди. Бу ўз навбатида Ар-Риёд ва Теҳрон ўртасида дипломатик муносабатлар батамом узилишига сабаб бўлди.
