ТОШКЕНТ, 13 янв — Sputnik. Туркия президенти Ражаб Тойиб Эрдўғон “Россия ўғуз туркларига ҳужум уюштириш учун Сурия шимолида митти давлат тузишга замин ҳозирламоқда”, — дея таъкидлади, РИА Новости, Reuters хабари асосида.
Агентлик таъкидига кўра, Эрдўғон ўз чиқишида, Эрон ҳақида ҳам салбий фикрлар билдирган. “Теҳрон Сурия, Ироқ ва Яман сингари давлатларда ўз таъсирини кучайтираётганидан мақсад, у бумамлакатларда можароларни келтириб чиқармоқчи бўляпти”, — таъкидлади Туркия президенти.
Ўтган йилнинг 24 ноябрида турк қирувчи самолёти Россиянинг Су-24 бомбардимончи самолётини Сурия осмонида уриб туширганидан сўнг, икки мамлакат муносабатларида “музлик даври” бошланган эди. Ушбу ҳодисадан сўнг Россия Туркияга қарши бир қанча иқтисодий чоралар қўллади.
Эслатиб ўтамиз, Россия 2015 йилнинг 30 сентябридан бошлаб Президент Башар Асад расмий талабига биноан Суриядаги “Ислом Давлати”ва “Жабҳат ан-Нусра” террорчилик уюшмалари объектлари бўйлаб авиазарбалар бера бошлаган.
Ўтган давр мобайнида Россия Ҳарбий-космик кучлари Каспий флоти кемалари иштирокида юзлаб жангарилар ва минглаб террорчилар объектларини йўқ қилишга муваффақ бўлди.
