ТОШКЕНТ, 20 янв — Sputnik. Қозоғистон Украина товарлари учун альтернатив йўллар қидирмоқда. Хусусан, Туркия, Эрон, Туркманистон ва Ўзбекистон орқали автомобил йўллари билан олиб кириш улардан биридир, деди Қозоғистон Тадбиркорлари Миллий палатаси аъзоси Дана Жунусова.
Қозоғистон Россияга Украинадан юк олиб чиқиш ҳуқуқига эга бўлган Қозоғистон корхоналари рўйхатини бериш ниятида. Ушбу корхоналар юк машиналари Россия ҳудуди орқали тўсиқсиз ҳаракат қилиши мумкин. Шу билан бир вақтда Қозоғистон қуйидаги альтернатив йўналишларни ҳам ўрганиб чиқмоқда: “Украина (Ильичевск) – Грузия (Поти/Батуми) – Озарбайжон (Баку) – Қозиғистон (Актау)” ва “Украина (Ильичевск) – Грузия (Поти/Батуми) – Озарбайжон (Баку) – Қозиғистон (Актау)”.
“Украинадан Қозоғистонга экспорт қилинаётган товарлар бу асосан озиқ-овқат саноати маҳсулотлари, фармацевтика, машинасозлик ва металлга ишлов бериш, қурилиш, тоғ-металлургия ва қишлоқ хўжалиги маҳсулотларидир”, — деди Жунусова.
2015 йилда 1503 Қозғистонлик корхоналар Украина билан ташқи савдо фаолиятини юритган.
Бироз олдин Қозоғистон Молия вазирлиги Россия Божхона хизмати билан Қозоғистон корхоналари юклари тўсиқсиз ҳаракат қилиши ҳақида музокаралар олиб борган эди.
Эслатиб ўтамиз, Россия 1 январдан бошлаб МДҲ шартномаси бекор қилиниши мунособати билан Украина юк машиналари учун ўз ҳудудидан транзит ўтиш қоидаларини мураккаблаштирди. Унга кўра Украина юклари фақат Белоруссия ҳудуди орқали, ГЛОНАСС билан жиҳозланган автомобилларда олиб ўтилиши мумкин.
