ТОШКЕНТ, 21 янв — Sputnik, Маргарита Кислова. Ўтган йилнинг октябр ойи охирларида юз берган А321 авиаҳалокати Россия ва Миср ўртасидаги алоқалар узоқлашишига сабаб бўлган эди, РИА Новости хабари асосида.
“Ҳозирда икки давлат ўртасидаги дипломатик муносабатлар ижобий томонга ўзгармоқда, тез орада А321 масаласи тўлиқ ёпилади”, деб таъкидлади Миср Ташқи ишлар вазирлиги расмий вакили Аҳмад Абу Зайд.
"Россия самолёти билан боғлиқ инқироз енгиб ўтилди, кейинги босқичда, ушбу масала батамом ёпилишига умид қиламиз”, — деди ТИВ вакили.
Эслатиб ўтамиз, ўтган йилнинг 31 октябрида А321 самолёти бортига қўйилган бомба туфайли Синай яриморолида ҳалокатга учраган эди. Амалга оширилган теракт 224 кишининг ҳаётига зомин бўлди. Ушбу ҳодисадан кейин ўз фуқароларининг хавфсизлигидан ҳавотир олган Россия ҳукумати Миср билан авиапарвозларни тўхтатишга қарор қилди.
