Дональд Трамп Нобел мукофотига тавсия этилди

© Sputnik / Алексей Филиппов / Медиабанкка ўтишАмерикалик миллиардер ва телебошловчи Дональд Трамп.
Америкалик миллиардер ва телебошловчи Дональд Трамп. - Sputnik Ўзбекистон
Oбуна бўлиш
Американинг CNN телеканали хабарига кўра, Қўшма Штатлар президентлигига номзод Дональд Трамп “сирли ҳомий томонидан” тинчлик бўйича Нобел мукофотига тавсия этилган.

ТОШКЕНТ, 6 фев – Sputnik. АҚШ президентлигига номзод, миллиардер Дональд Трамп тинчлик бўйича Нобел мукофотига номзодлар рўйхатига киритилди, хабар қилинади CNN телеканали сайтида, РИА Новости хабарига кўра.

Америкалик миллиардер ва телебошловчи Дональд Трамп. - Sputnik Ўзбекистон
Дональд Трамп: мен кимнидир отиб ташласам ҳам, сайловчиларимни йўқотмайман

"Республикачилар партиясидан АҚШ президентлигига номзод Трамп сирли ҳомий томонидан 2016 йил тинчлик бўйича Нобел мукофотига номзод этиб кўрсатилди, таъкидлайди Кристиан Берг Харпвикен (ҳар йили ушбу мукофотга номзодлар рўйхатини тузувчи Норвегиядаги Дунё муаммоларини тадқиқ қилиш институти раҳбари, таҳр.)", — дейилган хабарда.

Ушбу мукофотга, шунингдек, суриялик қочоқларга ёрдам қўлини чўзган греклар гуруҳи, “Ислом давлати” террорчилари чангалидан қочишга муваффақ бўлган қул-аёл, Колумбиядаги эллик йилдан буён тинчимаётган фуқаролар урушига хотима ясаган музокара иштирокчилари ва бошқалар номзод этиб кўрсатилган. 

Ўзининг сайловолди ташвиқотларида Трамп бир неча бор “Ислом давлати” террорчиларини бомба ташлаб йўқ қилишга, Россия билан муносабатларни йўлга қўйишга, АҚШга буюк давлат мақомини қайтаришга ваъда берган. Миллиардер, шунингдек, АҚШга мусулмонларни киритмасликни ва мабодо, Пекин ўз валютаси курсини пасайтиришни тўхтатмас экан, Хитой товарлари учун 45% давлат божи белгилашни таклиф қилган.

 

Янгиликлар лентаси
0