ТОШКЕНТ, 9 фев — Sputnik. Германия канцлери Ангела Меркель Сурияда қочоқлар сони ортиб бораётганида Россияни айбламоқда, хабар қилади РИА Новости Рейтер агентлигига асосланган ҳолда.
"Сўнгги кунлар ичида асосан Россия томондан берилаётган бомбардировкалар оқибатида ўн минглаб одамлар қай даражада заҳмат чекаётганини кўриб, даҳшатда тушмоқдамиз", — таъкидлади Меркель Туркия бош вазири Аҳмад Довутўғли билан биргаликда ўтказган матбуот-анжумани давомида. Бундай шароитда Женевада Сурия бўйича музокараларни давом эттиришни тасаввур қилиш қийин, деб қўшимча қилди канцлер.
Германия ва Туркия биргаликда БМТ Хавфсизлик кенгашининг Сурия фуқаролари хавфсизлиги бўйича резолюциясига амал қилинишини талаб қилиб чиқишлари айтиб ўтилди.
Москва номига бундан олдин ҳам бир неча маротаба Суриядаги тинч халқни бомбардировка қилаётгани ҳақида туҳматлар бўлган. Аммо шу пайтгача бундай баёнотларнинг ҳеч бири ўз исботини топмаган. Россия ТИВ ва Мудофаа вазирликлари бу сингари “ҳужум”ларга “информацион уруш” деб ном берган.
