ТОШКЕНТ, 23 фев — Sputnik. Фуқаро авиацияси халқаро ташкилоти (International Civil Aviation Organization, ICAO) йўловчиларни ташувчи ҳаво кемаларида, багаж орасида литий-ионли аккумуляторларни олиб ўтишни таъқиқлади, деб хабар қилади Рейтер агентлиги.
Фотоаапарат, смартфон ва бошқа электроника воситаларида ишлатиладиган аккумуляторлар ёнғинни келтириб чиқариши мумкин, деган хулосага келингани боис, уларни самолёт бортига олиб чиқиш таъқиқланди.
Ушбу қарор 2016-йил 1-апрел санасидан бошлаб кучга киради ва “хавфли юк” учун янги, оловга дош берадиган стандарт упаковка ишлаб чиқилмагунига қадар амал қилади.
Таъқиқ ICAOга аъзо 191 та давлат учун мажбурийдир. Шу жумладан, Ўзбекистон ва Россия учун ҳам.
