ТОШКЕНТ, 29 мар – Sputnik. 2016-йилнинг 29-март куни Ўзбекистон Республикаси ташқи ишлар Вазири Абдулазиз Камилов Исроил Давлати Ташқи ишлар вазирлиги бош директорнинг биринчи ўринбосари Жереми Иссахаровни қабул қилди, деб хабар қилади Ўзбекистон Ташқи ишлар вазирлиги матбуот хизмати.
Жереми Иссахаров Тошкент шаҳрига Ўзбекистон ва Исроил ўртасидаги сиёсий маслаҳатлашувларнинг навбатдаги раундида иштирок этиш учун Исроил ТИВ делегацияси раҳбари сифатида ташриф буюрганлиги таъкидланмоқда.
"Суҳбат чоғида Ўзбекистон ва Исроил кун тартибининг долзарб масалалари, ҳамда халқаро ва минтақавий муаммолар бўйича фикр алмашилди. Учрашувда Исроил Элчиси Кармела Шамир қатнашди", — дейилади хабар матнида.
