Патентингиз бекор қилинмаслиги учун Миграция марказига мурожаат этинг!

© Sputnik / Кирилл Каллиников / Медиабанкка ўтишМосква вилоятидаги миграция маркази
Москва вилоятидаги миграция маркази - Sputnik Ўзбекистон
Oбуна бўлиш
Россияга ишлашга келган мигрантнинг ИНН рақами ФМС маълумотлар базасида мавжуд бўлмаса, у ҳолда мигрант расмийлаштирган патент бекор қилиниши мумкин. Миграция хизматига ИНН нима учун керак бўлиб қолди, деган саволга экспертлардан жавоб олишга ҳаракат қилдик.

ТОШКЕНТ, 13 апр — Sputnik, Мария Шелудякова. Мигрант эга ИНН ҳақида маълумот Россия Солиқ қўмитасида мавжудлигига қарамасдан, чет эл фуқаролари Миграция масалалари билан шуғулланувчи марказга мурожаат этишлари шарт. Чунки, 28-март санасидан бошлаб, патент учун тўловни амалга ошираётган вақтингизда, ИНН рақамини кўрсатиб ўтмасангиз, патент учун тўлов ҳисобга олинмайди, ва, табиийки, патент бекор қилинади.

"Миграция XXI аср" жамғармаси президенти Вячеслав Поставнин мана шу "ташаббус" сабаб, миграция хизмати йўқ қилинганини айтмоқда. "ФМСга нима учун мурожаат қилиш кераклиги — мен учун жумбоқ. Назаримда, улар мана шу ИНН туфайли катта муаммоларни яратишган", — деди у.

Ягона Миграция марказида чет эл фуқаросига Россияда ишлаш ҳуқуқини берувчи ҳужжат - патент топширилиши - Sputnik Ўзбекистон
28 мартдан бошлаб патент учун тўлов шарти ўзгарди

Эксперт фикрига кўра, ИНН билан боғлиқ ташаббус пухта ишланмаган ва бу ФМС “пиар акцияси” бўлиши ҳам мумкин. Яъни, миграция хизмати “ишламайдиган тизим” ёрдамида гўёки фаолият юритаётгандай "кўриниш"ни вужудга келтирмоқчи.

"ИНН ўз-ўзидан ҳеч нарса бермайди. Агар у бир неча йил давомида назорат олиб борса, ва у ерга тўланган солиқлар тўғрисида барча маълумотлар киритилса, — бу бошқа гап. Агар ИНН фақат патент олиш учун керак бўлса, бу нимага керак, мен умуман тушунмайман”, — деб таъкидлади Поставнин.

“Добрососедство” — Халқаро алоқаларни ривожлантириш жамғармаси раҳбари Юрий Московский эса бу борада Поставниндан фарқли ўлароқ, у қадар кескин фикрдамас. Бундан ташқари, у, ФМС қарорини зарурат деб баҳолади. “ИНН ҳам Россия, ҳам чет эл фуқароси учун керак”, таъкидлади у.

Айтганча, ИНН борасида Сизда туғилган ҳар қандай савол бўйича патент олган жой — Миграция марказига мурожаат қилинг. Ўзингиз билан паспорт, патент, тўлаган тўловларингиз чекларини, регистрация, ИНН гувоҳномасини олишни тавсия этамиз. 

Экспертлар фикрига кўра, ҳозирда вужудга келаётган муаммолар муассасаларнинг ўзаро мувофиқлашмаган ҳолда фаолият олиб бораётгани натижасидир.

Тошкент-Москва поезди келиши - Sputnik Ўзбекистон
Россияга борувчи мигрантлар сони камайди

"Одамларни югуртирмаслик учун ФМС ва Солиқ инспекцияси ҳамда бошқа идоралар маълумотлар базаси мужассамлаштирилган бўлиши лозим. Электрон базалар пайдо бўлганига унчалик кўп вақт бўлгани йўқ, аммо биз улар худди юз йил олдин ташкил қилингандек эътироз билдиряпмиз. Тизим мукаммаллаштирилмоқда, аммо бу жараён давомида, афсуски, одамлар жабр кўрмоқда”, деб таъкидлади у.

Эслатиб ўтамиз, Россия президенти Владимир Путин қарори билан Миграция хизматини мустақил муассаса сифатида йўқ қилинди ва марказ Ички ишлар вазирлигига бўйсундирилди.

Янгиликлар лентаси
0