ТОШКЕНТ, 14 апр — Sputnik. Россия президенти Владимир Путин АҚШ Ливияда хатога йўл қўйганидан сўнг, Сурияда ҳам янглишишига сал қолди, деб таъкидлади.
Эслатиб ўтамиз, сал вақт олдин Америка раҳбари Ғарб давлатлари Ливияга ўз ҳарбийларини киритганларидан сўнг, аниқ режанинг йўқлиги маълум бўлиб қолганини айтиб, президент сифатида бу ўзи томонидан йўл қўйгилан энг катта хатолардан бири бўлганини айтган эди.
Обаманинг ушбу иқрорига изоҳ берар экан, Путин АҚШ хато қилишда давом этаётганини таъкидлади. Путин, шунингдек, ушбу иқрор Обаманинг виждонли ва иродали инсонлигини билдиришини таъкидлади.
“Албатта, бу яхши. Аммо хатолар кетма-кетлиги давом этмоқда. Ахир Сурияда ҳам худди шундай хатога йўл қўйишларига сал қолди. Ҳали ҳаммаси нима билан якунланиши номаълум”, — қўшимча қилди Путин.
