Жамият

Ўзбекистон олма экспортини икки баробар оширмоқчи

© Sputnik / Олег Макаров / Фотобанкка ўтишОлма ва узум
Олма ва узум - Sputnik Ўзбекистон
Ўзбекистоннинг 8 регионидан 400дан зиёд фермерлар турли навдаги олмаларни етиштиришда билимларини янада оширишга ёрдам берадиган махсус тренингларда иштирок этиши кутилмоқда. Шунингдек, боғбонларга ёрдам тариқасида, махсус қўлланма нашрдан чиқарилди.

ТОШКЕНТ, 4 май — Sputnik. Ўзбекистон яқин йилларда олма экспортини икки-уч баробарга оширмоқчи. Бу натижага, фермерларнинг олма етиштиришдаги интенсив билимларини оширишга йўналтирилган дастур асосида эришилиши таъкидланмоқда.

Ўзбекистон президенти Ислом Каримов - Sputnik Ўзбекистон
Сиёсат
Каримов: Ўзбекистон Россияга мева ва сабзавот етказиб беришда Туркиянинг ўрнини боса олади

Савдо-саноат палатаси ва "Ўзбекистон бизнес-форуми (фаза-III)" БМТ тараққиёт дастурининг ҳамкорлик лойиҳаси доирасида замонавий интенсив олма боғларини маҳаллий иқлим шароитларида етиштириш бўйича амалий қўлланма ишлаб чиқилди.
Бугунги кунга келиб мамлакат қишлоқ хўжалигида ҳосил олишнинг интенсив усулларини йўлга қўйиш бўйича фаол иш олиб борилмоқда, бу қисқа муддатда ҳосилдорликни 2-3 баробар ошириш имконини беради. Масалан, оддий мевали дарахтларнинг кўчатини ўтказиб, биринчи ҳосилини олгунича 4-5 йилча вақт ўтади, интенсив боғдорчиликда эса дарахтлар 2-3 йилда мева беради.
Етарли билимга эга бўлмаган фермерлар кам ҳосил оладилар, бу эса ўз ўрнида экспорт учун рақобатбардош маҳсулот етказиб бериш имкониятини пасайтиради. Шунинг учун янги қўлланма боғбон ва фермерларга олма етиштириш бўйича зарур малака ва технологияларни эгаллашда ёрдам беради.

Қўлланмага қўшимча равишда "чўнтак карточкалари" ишлаб чиқилган бўлиб, бундай карточкалар олмаларнинг нави, касалликлари ва зараркунандалари ҳамда улар билан курашиш чораларидан воқиф этади.

Қўлланма ва "чўнтак карточкалари" мақсадли аудиторияларда бепул тарқатилади. Бундан ташқари фермерлар учун дастур доирасида олма етиштириш масалаларига бағишланган амалий тренинглар ўтказилади. Уларда республиканинг 6та ҳудудидан фермер хўжалигининг жами 400 нафар вакили қатнашади.
Боғдорчилик соҳасидаги бундай янгиликлар юртимизда янги иш ўринларининг яратилишига ҳамда Ўзбекистон аграр секторининг жаҳон бозорида рақобатбардошлигини оширишга имкон яратади.

Янгиликлар лентаси
0
Аввал янгилариАввал эскилари
loader
LIVE
Заголовок открываемого материала