ТОШКЕНТ, 5 май — Sputnik. Москва шаҳар Преображенский суди май ойи байрамларида Москва ҳудудида қўпорувчилик ишларини амалга оширишни режалаштирган террорчини қамоққа олиш ҳақида санкция берди, деб хабар қилмоқда суд матбуот-хизмати.
"Суд 3 июл санасига қадар, Ойбек Саидовни ҳибсда ушлашга қарор қилди", — деди суд матбуот-котиби.
Жиноятчи Россия Федерацияси Жиноят Кодексининг “ноқонуний равишда қурол-яроғ сотиш” ҳамда “ҳуқуқни муҳофаза қилиш органлари ходимлари ҳаётига суъиқасд уюштириш” моддалари бўйича айбланмоқда.
Сал олдин Россия Федерал Миграция Хизмати Москва ҳудудида май ойи байрамларида террорчилик актларини амалга оширмоқчи бўлган бир гуруҳ марказий осиёликлар қўлга олингани ҳақида хабар қилган эди. Террорчилар Сурия ва Туркияда фаолият юритаётган халқаро террорчилик уюшмалари раҳбарлари кўрсатмалари асосида ҳаракатланганлари маълум.
