ТОШКЕНТ, 13 май — Sputnik. Тошкент шаҳри Юнусобод теннис майдонларида 15, 21 ва 22 май кунлари футбол бўйича бутун Ўзбекистон корхоналари орасида турнир бўлиб ўтади. Бу ҳақда тадбирнинг Facebookдаги саҳифасида хабар берилган.
“Корпорациялар жанги” деб номланган турнирда Ўзбекистонда кўпчиликка яхши таниш бўлган TPS, УКТД, Нome Мarket, East-West Engineering, Knauf ва DJ Petishka компаниялари иштирок этади.
Жамоалар компания шаъни учун ва куннинг спортчи қаҳрамони номи учун курашишади. Турнирда ҳар бир киши қатнашиши мумкин. Бунинг учун турнир ташкилотчилари билан Facebook орқали 13 майга қадар боғланиш керак.
