Россия гипермаркетлари Туркия маҳсулотларини Ўзбекистон маҳсулотларига алмаштирмоқда

© Sputnik / Евгений Биятов / Медиабанкка ўтишКўптармоқли супермаркетларнинг бирида мева-сабзавотлар.
Кўптармоқли супермаркетларнинг бирида мева-сабзавотлар. - Sputnik Ўзбекистон
Oбуна бўлиш
Ўзбекистон россиялик ҳамкорлар билан биргаликда Россия регионларида янги савдо уйларини ташкил қилиш борасида иш олиб бормоқда. Яқин йилларда томонлар 15та савдо уйини ташкил қилишни режалаштиришган, уларнинг аксарияти Сибирь ва Узоқ Шарқда жойлаштирилишига алоҳида эътибор қаратилмоқда.

ТОШКЕНТ, 16 май — Sputnik. Россиянинг энг йирик гипермаркетлари Ўзбекистон билан мева-сабзавотларни тўғридан-тўғри етказиб бериш борасида музокара ўтказмоқда, деб хабар қилди Sputnik мухбирига "Ўзбекозиқовқатхолдинг" компаниясидаги манба.

Мева-сабзавот бозори - Sputnik Ўзбекистон
Ўзбекистон 2016 йилда 1,2 млн тонна мева-сабзавот экспорт қилади
Бугунги кунда Ўзбекистонда етиштирилаётган мева ва сабзавотларга Россиянинг "Магнит", "Ашан", "6 соток", "Эссен" ва бошқа кўплаб йирик савдо марказлари томонидан қизиқиш тобора ортмоқда.
"Ўзбекистон Президенти Ислом Каримовнинг Россияга ташрифидан сўнг россиялик тадбиркорлар ва йирик компаниялардан кўплаб талаблар келиб тушди. Улар бизга тайёр озиқ-овқат маҳсулотлари ҳамда мева ва сабзавотларни тўғридан-тўғри етказиб бериш илтимоси билан мурожаат қилишмоқда", — деб таъкидлади манба.

Яқиндагина авиарейслар орқали "Эссен" савдо марказига 5 тонна гилос етказиб берилганини ушбу ҳамкорликнинг муваффақиятли бошланиши сифатида эътироф этиш мумкин. Яқин орада шу йўналиш бўйича яна 10 тонна гилос юборилиши режалаштирилган.

Суҳбатдошнинг сўзларига қараганда, бугунги кунда Россия гипермаркетлари вакиллари билан музокаралар олиб борилмоқда. Гап 1 йиллик эмас, балки, 5-15 йиллик шартномалар имзолаш тўғрисида бормоқда.

Ўзбекистон томон Россия учун афзалликлар яратиш мақсадида, шартнома доирасида ўз маҳсулотларига мавсум давомида талабга қараб ўзгармайдиган, ягона нарх ўрнатишни таклиф қилмоқда.

Ўзбекистон савдо-логистика марказларида ташкил қилинаётган, мева ва сабзавотларни сақлаш, қайта ишлаш ва экспорт қилишга ихтисослашган савдо-логистика марказлари янги транспорт схемаси асоси бўлиб хизмат қилиши айтилмоқда. Ўзбекистоннинг 11 та вилоятида ана шундай объектларни яратиш бўйича иш олиб борилмоқда.

Хабарларга кўра, мева-сабзавотлар даладан тўғри савдо-логистика марказларига олиб келинади ва кейинчалик экспорт ёки тайёр маҳсулот кўринишида қайта ишланиши учун махсус камераларга жойланади. Шундан сўнг, маҳсулотлар Россиядаги ихтисослаштирилган Ўзбекистон-Россия савдо уйларига юборилади. Бу уйлардан маҳсулотлар истеъмолчи хонадони бўсағасигача етказиб берилиши кутилмоқда.

"Россиядаги савдо уйларида чакана ва улгуржи савдо йўлга қўйилади", дейди манба.

Ўзбекистон президенти Ислом Каримов - Sputnik Ўзбекистон
Каримов: Ўзбекистон Россияга мева ва сабзавот етказиб беришда Туркиянинг ўрнини боса олади
Ўзбекистон россиялик ҳамкорлар билан Россия регионларида янги савдо уйларини ташкил қилиш борасида ҳам иш олиб бормоқда. Яқин йилларда томонлар 15га яқин савдо уйларини ташкил қилишни режалаштиришган, уларнинг аксарияти Сибирь ва Узоқ Шарқда жойлаштирилишига алоҳида эътибор қаратилмоқда.

Бугунги кунда Россияда шунга ўхшаш 10га яқин объектлар фаолият олиб бормоқда, улар Москва, Санкт-Петербург, Барнаул, Новосибирск ва бошқа шаҳарларда жойлашган.

Ўзбекистонлик ишлаб чиқарувчиларни Россия бозорларида келажакда пайдо бўлиши мумкин бўлган Туркиядек рақобатчи ҳам чўчитолмаяпти.

"Келажакда биз рақобат қилиши мумкин бўлган туркиялик ишлаб-чиқарувчилар бошқача тартибда иш кўришади. Улар ҳар бири ўзича ҳаракат қилади, рақибларни бозордан сиқиб чиқариш мақсадида кўпинча сунъий равишда нархни пасайтиришади. Биз эса Россия бозорига ягона фронт билан чиқамиз, маҳсулотларни йирик партияда, мунтазам равишда ва марказлашган ҳолда етказиб берамиз, шу боис улар бизга жавоб қайтара олишлари жуда қийин. Бундан ташқари, Ўзбекистон бир жойда туриб қолгани йўқ, у тара ва упаковка сифати, маҳсулот сертификацияси устида ишламоқда", — деб таъкидлади манба.

Янгиликлар лентаси
0