ТОШКЕНТ, 24 май — Sputnik. Бугун Тошкентда бошланган йиғилиш давомида Шанхай ҳамкорлик ташкилотига аъзо бўлган давлатлар Ташқи ишлар вазирлари қатор ҳужжатларни имзоладилар. Шу жумладан, Ҳиндистон ва Покистонни ташкилотга қабул қилиш жараёнини белгиловчи ҳужжатлар қабул қилинди.
ШҲТга аъзо мамлакатлар ТИВ раҳбарлари қуйидаги ҳужжатларни имзоладилар:
"23-24 июнь кунлари Тошкент шаҳри мезбонлик қиладиган Шанхай ҳамкорлик ташкилоти Давлат раҳбарлари кенгаши йиғилишининг кун тартиби лойиҳаси", "ШҲТ ташкил топганининг 15 йиллиги муносабати билан расмий Тошкент тайёрлаган декларация лойиҳаси", "ШҲТни 2025 йилгача ривожлантириш стратегиясини амалга ошириш бўйича лойиҳалар", "Ҳиндистонни ШҲТга аъзоликка қабул қилиш бўйича музокара жараёни", "Покистон Ислом Республикасини ШҲТга аъзоликка қабул қилиш бўйича олиб бориладиган музокара жараёни".
