ТОШКЕНТ, 26 май — Sputnik. Москва шаҳар Пресненский суди чоршанба куни мудҳиш қотилликда айбланаётган ўзбекистонлик энага Гулчеҳра Бобоқулованинг ҳибс муддатини узайтирди.
"Терговчининг Бобоқулованинг ҳибс муддатини 29 июлгача узайтириш ҳақидаги расмий илтимосномаси қондирилсин”, — деган судья.
Терговчи ўз илтимосномаси мақсадини айбланувчи яшириниши мумкинлиги билан изоҳлади. “Терговни якунига етказиш керак”, — деб таъкидлади терговчи. Прокурор ушбу илтимосномани қўллаб-қувватлади.
"Мен бунга қаршиман, мени Самарқандга қайтаришларингизни сўрайман, ёки уй қамоғига ҳукм қилинг, мен даволанишим керак”, — деб мурожаат қилган судга айбланувчи. Судьянинг “сиз ўзингизни руҳий хаста деб ҳисоблайсизми?”, деган саволига Бобоқулова “ҳа”, дея жавоб қайтарган.
Қотил-энаганинг руҳий хасталиги ҳозирча расмий ҳужжатларда ўз тасдиғини топгани йўқ.
